امووول11 @amoool11_1

كبيرة محررات

بسكوووت امووول >>> بس حطيها بفمك رآآآح تختفي طعم خيآآلي وبنص ساعه تجهزيه {حصري لكم }

.

.

بموضوعي اللي قبل هذا كنت قايله لكم ان هاليووومين جايني حماس مو طبيعي :3_13_12:

عاد قلت حرآآآم هالوصفات الخطيره اللي قاعده اطيح عليها مااعلم بنات حواء فيها

طبعا راح احاول ادور على وصفات جديده وماقد نزلت بمنتدياتنا العربيه

يعني حصري لنا وبس

يعني خليكم متابعيني واللي بيتابع ماراح يندم ان شاء الله لأن ماراح انزل الوصفه الا بعد تطبيق مني

عاد وصفة اليووم بسكوت انا من عشاق البسكوت والبيتي فور ولآفي وصفه عجبتني وجات مثل اللي فبالي

وعندنا فندق يقدم مع الشاي بسكوت باللوز يابنات روووعه وبس ارجع للبيت اتحلم بطعمه :23:

هالبسكوت مثله بالضبط واحسن

مميزاته : من تحطيه بفمك يذوووب ويختفي يعني سويها قطع صغار عشان مايتفتفت لآنه ماراح يتحمل من كثر ماهو طري

طبعا مايحتاج ريحته توصل لآخر الشارع يعني مايحتاج سويه وعلى ضمانتي

نص ساعه تخلصي عجن خبز يلآ وش تبون اسهل من كذا

طولتها عليكم بس غصب استحملوني من فرحتي ببسكوتي اللي تقرا الموضوع الحين وعندها المقادير

امانه لآتكسل وتقووم تفز وتسويه اللي نايم بيصحى على الريحه وهي ماراح يمديها تحطه بالصحن الآ ماكله نصه هههه :f226:

المقادير :

اصبع ونص زبده طبعا الأصبع الصغير خليه شوي برا الثلاجه عشان يصير طري

صفار بيضتين

ملعقه كبيره فانيلآ مو مليانه مرا

ملعقه صغيره بيكنج بودر

اقل من ربع الكاس جوز هند

كاسين طحين بس لآتمليه بالمره

اخلطي المقادير كلها مع بعض بتكون بالأول متفتته مع العجن والضرب بتلين وتتماسك

الحين على الطاوله رشي شوي طحين وحطي العجينه افرديها على شكل مستطيل ولآترقيها بالمره

وشوي شوي عليها عشان ماتتقطع بعد ماتفرديها طبعا سمكها بيكون مثل سمك 15 ورقه دفتر روحي لأقرب دفتر عندك وعدي 15 ورقه وشوفي سمكها

بعد ماتفرديها جيبي بياض بيضه واخفقيها مع رشه فانيلا

ادهني العجينه بالبياض بعدها جيبي لوز مبشور ورشيه على العجينه ورشي فوقه سكر وخليه كثير شوي يعني يغطي العجينه من كل الجهات والأطراف لأن العجينه مافيها سكر

قصي العجينه مربعات صغار / تقدري تسويها دوائر وتضغطيها بالصينيه / تقطعيها بالقطاعات بكيفك

انا حبيت اسوي تجربه للعجينه وابي السريع

بعدها شوي شوي انقليها بصينيه مدهونه شوي زيت دخليها الفرن تتحمر من فوق بعدها من تحت

ملآحظه : اول ماتطلع الصينيه من الفرن خليها لييين مايبرد البسكوت وييبس شوي

وبعدها انقليه للصحن عشان مايتفتت عليكي

وبالعافيه عليكم ودعواتكم لي

وانتظروني بتطبيقات ووصفات حصريه جديده لكم

530

76K