شحالكم عزيزاتي إن شاء الله تمام :D
اليوم يبتلكم بسكويت إنما إيه.....فننننننننن :p البارحه سويته بس شو لذيييييذ..على قولة ريلي طعمه جنه طعم حلويات ماكنتوش...صدق صدق لذيذ و ترف و يذوووب في الحلج...قلت لاااازم أشارككم فيه :27: بس فيه شي أبا أخبركم عنه, البارحه وانا أسوي البسكوت ما انتبهت لمقادير الطحين, فبدال ما أحط كوبين حطيت كوب :01: بس الحمدلله مع ذلك طلع فنان :icon18: ويمكن هاي الغلطه هي اللي خلت البسكووته هشه و لذيذه :22: أنا الصراحه اتخبلت عالطعم بس إنتوا ممكن اتجربون بكوب أو بكوبين على راحتكم :39:
بسم الله...
المقادير:155 جرام زبده
2 كوب طحين بالخميره
1 ملعقة طعام بيكنغ باودر
1 ملعقة طعام زيت الذره
ثلاترباع الكوب سكر بودره
1 ملعقة طعام ماء
شوكولاتة نيوتلا
2 ملعقة طعام حليب بودره
1 بيضه
الطريقه:انخلي الطحين و خليه على صوب.
اخلطي السكر ويا الزبده و عقب ضيفي البيضه, الطحين , البيكنغ باودر, الحليب , الزيت و الماء و استمري في الخفق الين ما يتجانس الخليط.
سوي كرات صغيره قاعدتها شوي مستقيمه و دخليهم في الفرن لمدة 15 دقيقه على 175 درجه سيليزيه.
عقب ما اتطلعينهم من الفرن حطيهم عالشبك عشان يبردون شوي و ييبسون.
غمسي قاعدة كل كره و لصقيها في قاعدة الكره الثانيه الين ما اتخلص الكميه.
قدميها و استمتعي إنتي واهلج بالطعم اللذيييييييذ:p
أخليكم ويا الصور....
خليط البيض ويا السكر
العيينه و هي جاهزه لعمل الكرات
البسكويت عقب ما طلعته من الفرن و حطيته عالشبك
البسكويت جاااااهز للتقديم
و بالعااااافيه عليكم :icon28:
