ابرة الكعنكبوت مشكورة على الرد على فكرة سويت لي كنب اللي على شكل حرف L خليته أخضر زيتي يلمع والخدايات خليت أحمر مايل على البرتقالي وأخضر زيتي مش لامع والثانية كنب لشخصين وكرسي بو شخص خليته بيج والخداية بيج فيها دائرأخضر على بيج.

الحين ابيك تساعديني في لون الأرضية الخشبية ولون الجدار (البوية) شنو تقترحين مع العلم أن الكنب في صالة وحدة والصالة مستطيلة وكبيرة

اهذا ردي على موضوعج الأرضيات الخشبيه:-
الخشب حلو بالنسبه للون المناسب لأثاثك شوفي اللون الفاتح الي حاطته الأخت أسماء في أول صورة
وأختاري الخشب المعالج مو الطبيعي بتلقينه عند الكوهجي في البحرين ,والمتر ما يتجاوز 5 دينار اذا ما صار أقل لأني مركبه في بيت ابوي من فتره وهو حلو لكن أختاري لون فاتح أحلى وقريب من الخشب الطبيعي واذا كنت خايفه من الخدش لا تحركي الأثاث إلا بحذر أو حطي تحت أطراف الأثاث مثل القطعه الصغيره وحطي قطعه سجاد بسيطه في الوسط اذا عندك يهال ..

وخلي بين الجدار والأرضيه اي في الجوانب قطع مستطيله لجميع الجهات وصي نجار يسوي لك أفضل وأقوى وخليه بلون أغمق شوي من الباركيه ولا تآخذي الجاهز الي يقولك عنه المحل ..لأنه بسرعه يتعب ويتجمع في زواياه الغبارأوتتطلع منه الحشرات ..

ونصيحه قبل لا تركبون الخشب بكم يوم غسلوا الأرضيه وخلو أحدى شركات المبيدات يرشون لكم عشان تضمنين أن الحشرات ما تعيش بين الأرض والباركيه ..

لون الجدار خليه بيج كريمي بدون لمعه

وبالنسبه لأختيارج الموكيت لغرفة النوم
.شوفي اذا غرفة نومج كبيرة نوعا ما وبتبقى فيها مساحه بعد وضع الأثاث حطي موكيت أما اذا بتبقى مساحه صغيرة ..أنصحج تحطين سراميك وقطعه سجاده صغيره مربعه الشكل وتكون أكبر من السرير عشان تبين أطرافها يمين ويسار يعني تكون مجرد ستايل..او تكتفين بسجاده مستطيله مثل الدوسه عند طاولة التسريحه


والله يوفقكِ

اب