بسوي عمليه بعد كم يوم ومحتاجه مساعده

الله يعافيك يارب
انا جربت الكوسا فرزتها خربت معي الباذنجان مااعرف

انا سويت مره محشي كوسه وحطيت عليه الخلطة وكل شي وفرزته وماخرب خرجت من الفريزر وقت ابغاه وخليته يذوب من الثلج وطبخته على نار هاديه وطلع جيد

الله يسعدكم وانتظر ردود اكثر من صاحبات الخبره

ربي يشفيك ويقومك بالسلامة يارب
ابدي من السوم سوي لك كذا اكلة وخليهم بالفريزر
الكوسا والورق عنب انا مجربتهم احشيهم وحطيهم بالفريزر ووقت الطبخ بس حطي عليهم الموية حقتهم واطبخيهم يطلعون كنك توك مسويتهم واتوقع الباذنجان نفس الشي بس ما جربته

عندك مكرونة بالبشاميل سويها ولا تحمرينها وحطيها بالفريزر

ممكن تاخذين دجاجة مبردة وتقسمينها قسمين وكل جزء تنطفينه وتتبلينه بتتبيلة مختلفة عن الثانية
وتحطين كل وحدة بصحن ومعها بصل وبطاطس وثوم وجزر اي خضار عندك حلقات وتغلفينها وعالفريزر ووقت الاكل حطيها بالفرن لمدة ساعتين وحمريها من فوق وسوي معها رز او ممكن تاكلينها بالخبز

سوي شوربة نوعين او ثلاث ووزعيها لما تبرد باكياس وحطيها بالفريزر وكل يوم طلعي لك كيس وسخنيه واشربيها الشوربة مفيدة لك خصوصا اول الايام

وممكن تطلبين لك من المطاعم معجنات ودجاج مشوي واشياء خفيفة

وربي يقومك بالسلامة


انتي باي منطقة ودي اساعدك بشي لو بسيط :(

الله يشفيك ويقومك بالسلامه يارب