بنات قصتي مثل أغلب القصص اللي هنا ..وانا أنسانة عادية مثل أغلب اللي هنا
ولله الحمد مشكلتي تهون عند مشاكل كثيرات غيري الله يصبرهن وينصرهن..لكن أنا طمعانة بالدعاء فقط
بنات أنا من النوع اللي مرة آخذ حقي ومرات لا..الله أبتلاني بسلفة مسلطة علي هي وبناتها (زوجة اخوه)
يعني أنا أكبر من بنتها الكبيرة بسنتين ..أنا تزوجت بدري وزوجي مو صغير..يعني كان ترتيبه الثالث بالعائلة
وهي زوجة الكبير..يعني لاحظوا الفرق الشاسع بيني وبينها غير انها هي كبر زوجها بالعمر..يابنات والله من
دخلت البيت وهي الغيرة تطل من عيونها طل..وتحاول بشتى الطرق تفرق بيني وبين حماتي..
ومرات تكذب على أولادي وزوجي..عند حماتي وبناتها والمشكلة يصدقونها..يقولون ام فلان ماتكذب..غير
أنها هي تقرب لهم..بنات ذبحتني بلسانها الله يشغلها بنفسها هي وبناتها..لأن الآن البنات صاروا اشد من أمهم
يحرضون عماة عيالي على أولادي(أولادي يعني بناتي وعيالي)ومرات يمسكون بناتي ويحققون معهم ويجوون
يقولون كلام مغاير تماما..وإذا قلت:إيش دراك..تقول وهي تتصنع البراءة :بنتك قالت لي..ياحبي لها تحب تسولف
علي<<مسوية تحب الأطفال:35:
هم منافقين قدام أهل زوجي مسووين طيبين ويحبون الكل ويرحمون وأن الكل يغار منهم وهم صابرين ومسوين
يخافون الله..لو تشوفون يابنات على طول بيدها قرآن..مسوية منصحة..يعني اهل زوجي مغشوشين فيها بقووة
بس من وراهم حتى هم ماينفكون من لسانها..المهم يابنات عارفة أني طولت عليكم بالسوالف والله لو أقص لكم
قصصها ماراح تصدقون...لدرجة قبل ثلاث أسابيع أنطردت من بيت أهل زوجي بس بأدب وأكتشتفت بعدين أنها
هي وبنتها مدبرين الموضوع كله..حسبي الله ونعم الوكيل..وكل ماقلت لخالتي شيء..قالت خلاص ام فلان كانت
تبي خير والله يجزاها كل خير بانت امور مادرينا عنها وووالله يابنات والله أني مظلومة كله كذب بكذب..المشكلة
مايبون يتناقشون أبد..بس يسمعون لها هي وبناتها لدرجة حتى عماة أولادي صاروا بصفها ويحامون عنها بقوة
هي وبناتها وزوجها أما أنا وزوجي وأولادي صرنا كخة ماأحد يبينا..مجاملة بس:44:
لكن مثل ماقلت أبي منكم بس الدعاء أن الله يشغلها ويشغل بناتها بأنفسهم وينصرني
على من ظلمني..وأني أشوف نصري..وأن الله يجمعني وزوجي وأولادي مع أهل زوجي على خير وتنكشف
الأمور اللي معمية عيونهم ..والله يابنات ماودي حتى ادعي عليها بس أبيها تحل عني..وعن زوجي..
ادعولي أن الله يرجع شملي بعماة أولادي قاطعوني وإذا دروا أني أبتغيب عن الجمعة جووا يزورون:44:
ويوم أني والدة كل يوم خميس عند أهلهم ويوم خلصت نفاس ماعاد جوا..يخافون يلاقوني:44:
والله وأنا ماودي والله لو عشان زوجي ع الاقل..
لاحول ولاقوة إلا بالله..تكفون أنصحوا لي بالدعاء..أدعوا لي باللي تبون تكفون محتاجة دعائكم
:44:
على فكرة فيه نسخة ثانية من الموضوع بقسم الحياة الاسرية وكل هذا لأني طمعانة بدعائكم:heart:
روح~ @roh_20
محررة
يلزم عليك تسجيل الدخول أولًا لكتابة تعليق.
الصفحة الأخيرة
الله ينصرك عليها
شوفي رددي دايما بصلاتك اللهم اكفنيها بما شئت ..وقولي اللهم اني اعوذ بك من شر فلانه وبناتها واذاهم وكيدهم...والله اني مجربه هالدعاء مع وحده مأذيتني .. وسبحان الله صرت اذا شفتها ماتقدر تسوي اي شيء من كثر مااتعوذ منها ,بس تكتفي بالمناظر وبس ,,وتبين النصيحه الاشد وياليتك تقدرين تسوينها ..ادعي لها ايه ادعي لها ..تعوذي من شرها وادعي لها اذا دعيتي ربك ...ان الله يغفر لها ويهديها واي دعاء لها ... صدقيني تبي تنقلب الاحوال وتفتكين من شرها