بس ابي افضفض ..

السلام عليكم..

كيفكم ؟؟ من زمان ما كتبت شي .. ومن زمان ما تواصلت مع احد من اللي في المنتدي.. ومن زمان ما كتببت الاشياء اللي في خاظري .. من زمان اقصد من عقب ماتزوجت وانجبت عيالي الله يحفظهم .. وتوظفت ودخلت دوامه الحياه اللي نا درا ما القى وقت فيه افرغ همومي.. عن طريق الكتابه ..


هالسنه كانت كلها اكشن بالنسبه لي .. كانت مليانه احداث عاطفيه واحداث بوليسيه .. خلتني اوقف واغكر شوي بحياتي ..

بداية من هوشة كبيره بيني وبين زوجي سببها الادمان على الانترنت .. وكبرت الفجوه بيننا الين وص الموضوع للانفصال على الرغم اني حامل .. وكان هالكلام في عيد الفطر .. وبعدها هدت الاوضاع لاني كنت اتوحم فما كان فيه اي تواصل بيننا ..

في عيد الحج رجعت المشاكل (لنها اصلا ما انحلت ) ولا جلسنا وتعاتبنا وغسلنا نفوسنا . وصارت مشكله ثانيه .. برضو طلع شبح الانفصال بوجيهنا من جديد..

الحمد لله اني انا امرأه عاقله وصبوره والا كان من زمان ضيعت بيتي وعيالي ..


مر الحمل ثقيل جدا ومتعب .. ونفسيتي كل يوم اسواء من اللي قبله .. كون حملي كان مهدد بالاجهاض ما كنت اقدر اطلع ولا شبر خارج الرياض .. كنت محتاجه اغير جو .. بس وضعي الصحي ماكان يسمح لي ابد .. غير اني مرتبطه بوظيفه .. والوظيفه ضاغطتني يقووووه كون ما عندي اجازه ..

الوضع المادي كان بالنسبه جيد جدا بس بالنسبه لزوجي كا مش مزبوط ,, اخذ قرض ودخل بالاسهم وخسر .. والقرض ياخذ من راتبه مبلغ كبير ..

ولهذا السبب نفسيته زي الزفت على مدار الساعه
اليوم
الاسبوع ..الشهر ... ماله خلق ولا شي .. وانا مالي خلق ارفهه او اوسع صدر احد لان اللي فيني كافيني .. الحمل ماخذ مني كل الطاقه .. والباقي خلصو عليه عيالي .. والدوام ..


ويكمل السيناريو اننا نطلع مشوار مدته نص ساعه .. ونرجع نلقى البيت مسروق !!
اللي وضح بعدين انهم مراقبين البيت ةينتظروننا نطلع .. ودخلو واخذو كل شي .. ذهبي كل .. لسؤ الحظ ما كنت حاطته لا في البنك ولا في الخزنه .. اشياء كان لها معنى خاص عندي ..

اخذو تلفزيون كان هذيه من ابوي .. وكاميره فيديو .. كانت اول هديه يوم اجيب ولدي عسان اصوره فيها ..

انهرت .. يوم شفت وش سوو بغرفة النوم .. وكيق حااااسو كل شي ..
وانهرت اكثر بمجرد احساسي انهم دخلو بيتي .. وغرفتي .. .. انكسر حاجز الامان اللي عندي .. صارت تجيني وساوس بمجرد ما اسمع اي صوت ...
اخاف يرجعون ويدخلون .. .. انا متوكله على الله ومؤنه بان اللي صار ربي كاتبه لي .. واحتسبت كل شي لوجه الله ..
ودعيت ان الله يعوضني بابرك من اللي راح .. وحمدت الله انه سلمني انا وعيالي منهم ..
لكن الباقي غصب عني .. :44:

اعرف ان كل الكلام اللي كتبته مجرد كلام بس انا كنت حابه اطلع اللي في صدري يمكن اقدر ارتاح ..
السرقه من اسبوع .. وانا الحين في اخر الثامن ..

الله يجيب البيبي بصحه وعافيه واولده طبيعي بصحه وعافيه .. ونرجع نفرح من جديد .. :26:


الحمد لله ..حتى بيلغ الحمد منتهاه