بس افضفض

مساء الخير كيفكم ادري اني عورت روسكم بسوالفي00 بس شسوي انا من النوع اللي مايشتكي لأحد ولا اقول لاهلي اي شي عشان ماتكبر السالفه

طبعا ضايق صدري حيل 00 انا متزوجة من ست شهور وسبق ذكرت هالشي بمواضيعي وساكنة مع ام زوجي والحمد لله انها طيبه000 وقلت سابقا ان اللي منكد علي زوجة اخوه دايم تقط عيالها عندنا بالويك اند وتروح تفرفر مع ربعها


المهم اللي مطفشني حيل اليوم اني من يوم تزوجت وانا انظف بهالبيت00 ام زوجي عندها شغالتين وللأسف مو معلمتهم عالنظافة000 وهي طيبه بس جداااا مهمله بكل شي


اليوم وصلت حدي بتقولون ليه؟؟؟؟؟؟؟؟؟؟؟؟؟؟؟؟؟؟؟؟؟؟:44: دخلت المطبخ وجنبه غرفة الشغالات والا القى لكم هذاك التمساح اللي وقف قلبي( بريعصي) ومت خوف وطبعا جنب المطبخ


المهم قفلت غرفتهم وقلت لهم لاتدخلون الين يجي بابا يشوف له حل 000 طبعا هذول الشغالات جدد جبتهم وقلعت القدامى الوصخين وانتوا بكرامه0000


اوكي معاي انتو والا طفشتكم؟؟؟؟ شسوي ماعندي خوات


المهم جا ابو الشباب ونكش الغرفه وطلع التمساح من فتحه وطلعوا كل الاغراض اللي بغرفتهم00 يابنات وربي ان غرفتهم شنيعه من الوصاخه ماتنظفت من عشرين سنة تقريبا000

ومليانه فتحات على الحوش000

المهم وصلت حدي وقمت ابكي مو من شي طبعا انا اخاف حدي من هالمخلوق اللي هو البريعصي وانهرت كثير من خوفي ومن اني طفشت لاني ورب البيت من اول ماتزوجت وانا انظف00 البيت الله يكرمكم زباله يجمعون فيه كل شي حتى كراتين الخضار والفواكه بالحوش000

لا فيه بالبيت ولا تحفه ولا صورة ولا شمعه00 فقلت انا ابدا ارتب مو مشكله طالما زوجي طيب واهله طيبين بتحمل00

بس مدري شفيني اليوم انهرت كثييييييييييير وحسيت اني انظلمت00 ماجيت على شي نظيف ولا على شي مرتب زي اي عروس00 دخلت على مطبخ كله قرف وصراصير وغيرته ونظفته00 والمجلس من سنة جدي وقرعه غيرته وجبت تحف وشموع00

حتى ماكلفوا نفسهم يمسحون دولاب غرفة نومي يوم ما اهلي جابوا عفشي واغراضي000


يالله ماما تقول الصبر زين على كل شي 000 وانا اقول ربي يعيني ويرزقني ويقدرني ويوسع صدري ويفرجها على كل مسلم

وسلامتكم


حشى قايله ابيات شعر
:(

وشكرا لكل وحده دخلت وقرأت فضفضتي