بس الانثي الاستايل تدخل

السلام عليكم

راح ادخل في الموضوع علي طول وانا اكتب هدي الموضوع ابغي حلول وما ابغي وحده ترد عليه بفضفضه نبغي حلول مع احترام وتقدير للجميع احترت فين احط الموضوع ويحق للاداره نقل الموضع في المكان المناسب لان الصراحه مو عارفه فين احطه

بنات انا متخرجه من الجامعه من 4 سنوات تقريبا ورحت للجامعه اقدم دراسات عليا حزنت علي نفسي وحسيت نفسي كبرت يوم شفت بنات الجامعه وكيف مهتمين في نفسهم استشوار وميكاب علىي الموضه الرسمه الفرنسيه على العيون بالايلينر والحواجب صابغينها مره طالعين استايل وتحسينهم فعلا بنات انا افهم في اللبس واللبس حلو لكن انا مشكلتي في شعري الاستشوار ياخذ زي ساعه علشان كذا ما استشور الي في المناسبات وياليت يطلع حلو البنا ت يوم شفت البنات في الجامعه قلت الحمدلله ان ما عندنا اختلاط كان الواحد ما يشوف مرته شي يقعد يقارن هدي تسوي كدا وتفعل كدا
يابنات انا ابغكم تعطوني طريقه استشور شعري فيها بسرعه 10 دقايق انا شعري طول متوسط الين نص الظهر ما شاء الله او علي اقصي حد 15 دقيقه والله الكوفيرات بسرعه يستشورون
الشي الثاني بنات الميكب كيف تتعلمين عليه انا لوكي معروف كحل وروج ببي و بلاشر بيبي لان سمره فقول ما يناسبيني اي شي بعض البنات يقلون ادا عندنا مناسبه نسوي بروفه علي المكياج قبل المناسبه وانا ماسيوي كدا مافيه اشل هم ان اشيله
الشي الثالثه الي بتكلم فيه بنات زي ما قلتلكم انا البس على الموضه وافهم في اللبس الحلو لكن ما اعرف اش اساميها وانا مااحب اكون جاهله يعني مثلا كانو ا قرايبنا يتكلمون عن الفلات والله ما عرفت اش هو الفلات
ويقلون موريحه ومني عارفه ايه بعدين عرفت انها الصندل الي بدون كعب المريحه واللينقز برضه دوبي الي عرفته الي يجي ما سك علي الجسم البنطلون القطن وفي انواع
يعني ابغي كل وحده تعرف مصطلحات جديده في اللبس او الاكسسوار تقولي وتقولي هي ايه لان ما اعرف
الشي الرابع الي بقوله علشان الوحده دايم تكون زي ما كانت في الجامعه ستايل امشي مع بنات اصغر منك 4 سنوات تتعلمني منهم والله حلو البنت يوم تكون دايم روحها وستايله شبابي زي البنات الصغار الي في الجامعه وعلي فكره انا مو كبيره عمري 30 لكن والله احس نفس كبرت من جلست البيت ويوم اشوف البنات كيف مهتمني في نفسهم وعلي الموضه وستايل ومو بس كدا يوم كنا في الجامعه ما في هم زي دحين دحين من جلست البيت تفكرين في الوظيفه والخرجه والوناسه والزواج والله يوم اشوف البنات الي في الجامعه كيف مريحين ويضحكون احس نفس كبيره لكن داخلي طفله ابغي افرح وستانس ونصيحه للمتزوجات امشي مع وحده اصغر منك 4 سنوات وخليك مع صحباتك الي قدك بس اتعرفي على بنات اصغر منك تاخذين من الستايلاتهم وتشوفين اش حتي المطلحات الجديده في الكلام وتكونين مرحه يوم تمشين مع احد مرح تنعكس عليك ولا تستهيني في البنات الي مو متزوجات والله انهم يعرفون شغلات عن الزواج والدلع انت اليمتزوجه ما تعرفينها انا عتبي علي المتزوجات يوم تتزوج ماعاد تتدخل مواقع النت للمتزوجين ولا تعرف اش الجديد والله ان كريمات الي طلعت بالطعم اه وحده من بنات خلاتي متزوجه وهي صغيره عمرها امكن 28 ما عرفت تقول اش هدي يو م ورناها في غير بنت خالتي االثانيه الي مو متزوجه قالتلها هدي علشان يوم يبوسك يكو ن طعم حلو يحس فيه وانحرجت علشان كدا اقول ثقفو نفسكم العالم كل يوم يطور من خلال الدخول علي النت وصحبت الي اصغر منك
اسفه طولت عليكم لكن الله يخليكم اعطوني حلول للي سئلتكم عنه فوق وشكرا اختكم جودي