حكيمة زمانها :

اووووف .. والله واضح انك شقرديه وبنت رجال مايحتاج كلام ..بس انا انقطع قلبي عليك يوم قلتي اهلي مو عندي وانك لحالك بالمستشفى .. تراني صاااادقه (رب اخ لم تلده امك ) وتراني عند كلمتي ..وانتي اللي معرفتك والله تنشرى كلك ذووووق وبالنسبه لمفرشك عادي تاخذين كنج سايز .. انا بولاداتي الثنتين ماخذه مفارش كنج سايز .. عشان يبان شكله وينزل على الاطراف ..اما اذا صار صغير بيطلع مقصمل ويبان حدايد السرير من تحت خخخخخ وش رايك بالوصف .. aoa.. اذا ولادتك بعد شهر او شهرين معناته يناير او فبراير وهالشهور بررررد ما بعد دفى الجو ..انا ااشوف تحطين قهوه وشوكليت ..ومثل ماقالت ابتسامه شاهي وزنجبيل ونعناع و كركديه (غجر ) وصينية فطاير كبيره سنعه وحده .. والصينيه الثانيه موالح تاخذينها معك للبيت وتقعد معك طول النفاس ما تخرب ..اما اذا ماودك بالشاهي مالك الا العصير جيبي كم نوع جاهز وصبيهم في كاسات فخمه والحمدلله ..وش رايك دلوعة من احبه ..ابشري يا قلبي بنحط افضل المحلات ..مالك الا رضاك انتي والبنات كلهم ..نبدا بالشوكليت المكشوف ..واللي عندها اضافه ياليت تقولها عشان اعدل على الرد وتكون كلها مع بعض.. المكشوف : لينوتر , الذواق , دونييه , مرينون, ماينا اللي بالثلاثين المكشوف حقهم لذيييييييذ وب 150 الكيلو سنفينتون بالثلاثين جنب استديو الشوكولاته ..عندهم برضه مكشوف حلو خاصة نوع يجنن اسمه( القنبله) الله يكفينا شر القنابل خخخخخ..وفيه بعد قسم للدايت اذا تبين تخلين جزء من صينيتك للدايت عشان الضيوف اللي معهم سكر والا مسوين دايت يالله بنات من عندها اضافه .. انا هذا اللي اعرفه عن التشوكليت المكشوف وبرضه من ضمن المكشوف.. حلى الجوهره طبعا هو الافضل الى الان حتى لو صار قديم وكلن يعرفه بقول لكم وش طلع افضل منه ؟؟؟ انا اشوف هو الالذ والاحلى الى الان..بس بقول لكم على سر وادعو لي (بنات تعرفون الحلى اللي مشهوره فيه الجوهره على شكل بيضه بالشوكليت وجواتها مثل العش مكون من اوريو وكنافه؟؟؟اكيد تعرفونه لأنه يجنن المهم تلاقون نفففففففففس الحلى عند درة الصالحيه اللي بالثلاثين بعد قزاز مو اي فرع ثاني انتبهو ..وربي نفسه ماتفرقونه ابد ..والكيلو ب 85 يا الله من فضلك), حلى البيتي عند حنان ابو سليمان ..فيه بسكوت بالكراميل..وفيه بينت بتر..وكم نوع حلو بس والله ناسيتهم..المهم جربو القرع (لا تستغربون قرع وحلى !!! ما تجي !!!انا قلت لها مابيه لا تحاولين بس قالت جربيه واحكمي..والله يابنات ان طعمه يجنن مثل التشيز كيك..وفيه نفس شكل حلى القرع بس بدل القرع حاطين كراميل يجنننن), مرينون عندهم برضه كوكي حلو مره امممممممم وش فيه بعد ؟؟ ايه ذكرت .. ملك الحلويات اللي بالتخصصي عنده حلى يجنن يسمونها فطاير تركيه ولها خباز خاص تركي بس مايكون موجود دايم ..تكون عجينه طريه على شكل ورده وفيه على شكل نص هلال ومحشيه تفاح ..يعني طعم الأبل باي روووووعه يابنات .. لافندر برضه عنده بوب كورن فوقه كراميل بس طعمه مو حلو ..اللي حلو فطيرة القرفه جايه مثل اصابع المعمول نحيفه ومحشيه قرفه مرررره لذيذه .. انا بالمستشفى كنت حاطه ثلاث صواني .. شوكليت مكشوف من لينوتر مصفوف بصينيه على شكل اوراق شجر خضراء ..والشوكليت فوقها مقسم ..كل ورقه شجر عليها نوع تشوكليت والله شكلها يجنن الوان الاخضر والبني حلوه مع بعض ..وحاطه معه القنبله من سنفينتون .. وكوكيز من مرينون والصينيه الثانيه على شكل منحنى كبييير معبيتها من حلى الجوهره .. حنان ابو سليمان ..لافندر.. شكلها كان بالمره حلو ومليان اشكال والوان.. يارب يكون الوصف واضح ..اللي عندها اضافه للمكشوف ياليت تضيفها الحين عشان يكون كل بند مع بعض بالترتيب .. وبعدما نخلص المكشوف نبدا بالمغلف

اووووف .. والله واضح انك شقرديه وبنت رجال مايحتاج كلام ..بس انا انقطع قلبي عليك يوم قلتي اهلي مو...