مساء الخير

الله يجزاك خير ياحكيمه على الموضوع صراحه انا لي اربع سنين متغربه عن الرياض وفي زياراتي لهلي مااصادف احد والد فماادري وش الجديد
لكن اخذت فكره عن بعض المحلات وافكار التقديم
احب البساطه +الكشخه في التقديم
كثرة الحوسه مااشوف لها داعي

والله يهون علينا وعليك ويقومنا بالسلامه

حبيبتي البساطة ...يعني الواحد يجيب اشياء ناعمة وذوق مو مصممة ولبس الام زي الستارة زي البيبي غير الورد اللي مالي الغرفه والكوشة ومش عارف ايش...و الترامس والبيالات اللي بالالاف مدري من مصممها...
بصراحة الناس صاروا مهبل ويدورون المظاهر...وانا ما قلت جيبي صلعاء لا بشعر بس مو بهبال ,,,هذا قصدي...
وبالنسبة لاسمي فعلا هو مستوحى من مصر لاني اول ما سجلت كنت بمصر وقلت ليه ما اصير معلمة بارجيله في عالم حواء وعندك واحد شاي وصلحوووووووووه خخخخخخخخخخخخخ

منكم نستفيد والله يهون عليكم

ايام العمر هلا وغلا .. شوفي يا حلوه ..ايه باقي اشياء... القهوه صارو يحطون معها حلى قهوه غير الشوكليت .. مثل الجوهره او كنافه صغيره او فطيرة تفاح عاد حسب ذوقك
والشاهي .. فيه فطاير غريبه طالعه .. شي بالفلافل وشي بالتوست وشي بالزعتر يعني الناس بطلو الفطاير العاديه اللي هي جبنه و بيتزاوسبانخ وغيره
والعصير .. انا هذا اللي محيرنيالى الأن .. ابي شي جديد غير السواريهات اللي تعودنا عليها .. اللي عندها افكار ياليت تفيدنا الله يجزاها خير .. بس لا يكون ايس كريم لأني ما هضمت فكرة اني اشرب عصير واكل ايس كريم بنفس الوقت ...
سوالف .. اذا تبين تمور لا تتعدين تمور الصالحيه فرعهم الجديد اللي بطريق الملك فهد خياااااااال .. بس تبين رايي انا ماراح احط تمر بالمستشفى ولا قد شفت احد حاط تمر حتى لو كان غريب .. اذا الفازه حلللللوه ومكلفتك عبيها شوكلت ورزيها جنب السرير او في مدخل السويت ..تصير منظر بس يعني ما احد يلمسها حتى تستفيدين منها بالبيت تكون برضه تحفه و تعبي لك المجلس
مرت الضابط .. هلا وغلااااااا .. فعلا جودي ارت حلوووووو بس غالي
ام قشامه .. وش اللي شلتي همه يا عسل ؟؟ هذا احنا كلنا نتناقش ونسولف .. انتي شوفي اللي تحسينه ضروري وانتو متعودين عليه و سويه ما عليك من كلامنا احنا نشتق بزياده الله لا يبلاك لأن هذي طبيعة المجتمع اللي حولنا.. واي شي تبينه امري لا يردك الا كيبوردك

حكومه .. اعذريني ما شفت ردك البارح و الا كان قلبناها سهاري و قلنا لجيجي تجيب المعسل و الشاي في ذا الحر علشان نبطبط ..
اقصد بالتطقيم .. ان كل الفازات يكونون بنفس الشكل .. يعني صحيح نفس الالوان او تكون متناسقه .. لكن ديكور كل فازه مو مثل الثانيه ..
وماادري ..اشوف فكرة الورد قديمه .. انا اشوف ان الأحجار و الحركات بالقماش اجد و الا ايش رايكم