السلام عليكم ......

بصرااااحة موضوع يجنن الله يجزى كل وحده شاركت الخير والعافية .

طيب ممكن يابنات تفيدونا في التقديم من محلات الشوكلاتات / والصياني / والحركات الحلوة والبسيطة بنفس الوقت .

واسأل الله سبحانه بأنه يهون على كل حامل بطفل سليم ومعافى ويحسن خلقه ويهوووون طلقه .

شيخة القصمان ..وش اخبارك يالسنعه؟؟

نبع الوفى ..ماشاء الله عليك ..والله ان الافكار تجي من بدري ..واذا ماطبقتي بسرعه ..تروح منك الهمة وتبدين ترضين بأي شي ويالله لك الحمد



بنااات مين مرت دونية هالايام ..ودي اشوف وش عندهم حركاات:eek:

حبيباتي اخترت لكم افضل محلات التشوكليت حسب ذوقي وياااارب تفيدكم ..
التشوكليت المكشوف
لينوتر ,
الذواق ,
دونييه ,
مرينون,
ماينا اللي بالثلاثين المكشوف حقهم لذيييييييذ وب 150 الكيلو
سنفيتون بالثلاثين جنب استديو الشوكولاته ..عندهم برضه مكشوف حلو خاصة نوع يجنن اسمه(القنبله) الله يكفينا شر القنابل خخخخخ..وفيه بعد قسم للدايت اذا تبين تخلين جزء من صينيتك للدايت عشان الضيوف اللي معهم سكر والا مسوين دايت
وبرضه من ضمن المكشوف..
حلى الجوهره طبعا هو الافضل الى الان حتى لو صار قديم وكلن يعرفه ..بقول لكم وش طلع افضل منه ؟؟؟ انا اشوف هو الالذ والاحلى الى الان..بس بقول لكم على سر وادعو لي (بنات تعرفون الحلى اللي مشهوره فيه الجوهره على شكل بيضه بالشوكليت وجواتها مثل العش مكون من اوريو وكنافه؟؟؟اكيد تعرفونه لأنه يجنن المهم تلاقون نفففففففففس الحلى عند درة الصالحيه اللي بالثلاثين بعد قزاز مو اي فرع ثاني انتبهو ..وربي نفسه ماتفرقونه ابد ..والكيلو ب 85 يا الله من فضلك),
حلى البيتي عند حنان ابو سليمان ..فيه بسكوت بالكراميل..وفيه بينت بتر..وكم نوع حلو بس والله ناسيتهم..المهم جربو القرع (لا تستغربون قرع وحلى !!! ما تجي !!!انا قلت لها مابيه لا تحاولين بس قالت جربيه واحكمي..والله يابنات ان طعمه يجنن مثل التشيز كيك..وفيه نفس شكل حلى القرع بس بدل القرع حاطين كراميل يجنننن),
مرينون عندهم برضه كوكي حلو مره
امممممممم وش فيه بعد ؟؟ ايه ذكرت .. ملك الحلويات اللي بالتخصصي عنده حلى يجنن يسمونها فطاير تركيه ولها خباز خاص تركي بس مايكون موجود دايم ..تكون عجينه طريه على شكل ورده وفيه على شكل نص هلال ومحشيه تفاح ..يعني طعم الأبل باي روووووعه يابنات ..
لافندر برضه عنده بوب كورن فوقه كراميل بس طعمه مو حلو ..اللي حلو فطيرة القرفه جايه مثل اصابع المعمول نحيفه ومحشيه قرفه مرررره لذيذه .. انا بالمستشفى كنت حاطه ثلاث صواني .. شوكليت مكشوف من لينوتر مصفوف بصينيه على شكل اوراق شجر خضراء ..والشوكليت فوقها مقسم ..كل ورقه شجر عليها نوع تشوكليت والله شكلها يجنن الوان الاخضر والبني حلوه مع بعض ..وحاطه معه القنبله من سنفينتون .. وكوكيز من مرينون
والصينيه الثانيه على شكل منحنى كبييير معبيتها من حلى الجوهره .. حنان ابو سليمان ..لافندر.. شكلها كان بالمره حلو ومليان اشكال والوان..

التشوكليت المغلف
*جوي
*باتشي .... بالرغم اني مسميته شايب الشوكولاته بس ولو قديمك نديمك مازال من النخبه ولذيذ
*اننننننتبهووووو من المغلف حق لينوتر ....تراه مو حلو ابد عكس المكشوف سبحان الله
*في شوكليت جديد اسمه (ألبينا) شفته عند وحده توها والده بس مدري من وين ..وطعمه يجنن باسألها عن المحل وارد لكم ..
*حنان ابو سليمان ... عندها كم نوع حلو وهي : الاوريو, البندق,البسكوت, السمسم, وفيه على شكل مكعب هرم طعمه حلو بعجينة البندق,يعني انتي اختاري الانواع بنفسك, لأن لو خليتيها على ذوقها بتحط لك انواع مو حلوه ,, (الانواع اللي ذكرتها كافيه يابنات بتعبي لك الصينيه بأشكال مختلفه)
ملاحظه ... انا لاحظت المغلف ماعاد له بزه مثل اول ..الناس صارت تهتم بالمكشوف اكثر وتقدم المغلف اخر شي .. بس هذا مايعني ان المكشوف ماله داعي ..بالعكس مازال يعتبر اساسي وحاولي لما تختارين المغلف يكون من هالالوان الجديده الفاقعه اللي طايحين فيها مثل ..الأصفر, الفوشي , الأورانج, الأبيض ...الخ بالنسبه لحنان ابو سليمان تحط لك اللون اللي تختارينه ماتقيدك بنوع او لون معين ..

المعجنات والموالح:
* معجنات ام سعود انا اعتبرها رقم واحد
*معجنات الجوهره يمدحونها البنات بس انا والله ما جربتها
هالنوعين خليها للمستشفى , او للضيوف المهمين بالبيت لأن الكيلو ب 150 وصعبه بتعبين منها كل يوم يبي لها ميزانيه
* معجنات اوبرا لذيذه مررره يابنات .. اختارو الجبنه واللبنه والسبانخ .. وعندهم كبة انواع شي باللحمه وشي دجاج وشي لبنه طعمها يجنن بصراحه .. الكيلو عندهم اعتقد ب 50 او 60 مو اكثر
* روز ... رائع ايضا بمعنى الكلمه .. عندهم نوعين معجنات :
النوع الأول: المعجنات الكويتية الكيلو ب 150 عاديه جدا جدا ولكن يميزها انها مزينه بحبوب الرمان فقطططط هذي ميزتها ..والا الطعم والشكل عادي.. يعني تقدرين تاخذين منها ربع او نص كيلو تزينين فيها الصينيه لأن شكل الرمان حلو ويعطي اضافه حلوه
النوع الثاني : وهو الرااائع اللي انا احبه : هو المعجنات الفرنسيه والسعر اروع ..الكيلو ب 80 ريال
تتكون من اشكال مختلفه وغريبه من المعجنات من ضمنها كريب ملفوف بالجبنه وشي باللبنه والحلو فيه انه ملون شي زهري وشي اصفر يعني غرييييب وحلو بنفس الوقت .. وازيدكم من الشعر بيت .. هالنوع بعد بتلقين فيه كبه وسمبوسه صغار حقات الشاهي ..يعني بصراحه المعجنات الفرنسيه جامعه لكل الانواع وملونه ولذيذه ورخيصه .. ويفضل تودين صينيتك قبل بيوم عشان يهتمون فيها وتصير المعجنات طاااازه
* الموالح مثل ماقلنا درة الصالحية اللي بشارع الثلاثين خذي منهم الأعواد والحلزونات الملونه فقط..الكيلو ب 80 ريال اذا ماني غلطانه ..والله نسيت يابنات بتأكد وارد لكم
* موالح زاكي الجديده طريه ولذيذه ومااااتخرب طول النفاس ..انا مجربتها الكيلو ب 60
*لافندر عنده موالح فرنسيه تكون مثل البسكوتات مدوره ومستطيله وعلى شكل هلال فوقها صوص هذي بعد مررره لذيذه وفخمه ..اعتقد الكيلو ب 110.. بس لازم طلبيه قبل بيوم عالأقل .. بس ترى بتلاقون عنده الأعواد الملونه مثل اللي عند درة الصالحيه لكنها اغلى ..واقسى بعد خخخخخ يعني لا تاخذون منها طعمها مش ولابد ..الصالحيه احلى مية مره

العصير
* توتي منجا رقم واحد بالنسبه لي .. طازه ونظيفه والطعم مافي مثله ..انا دايم اخذ من فرعهم اللي بالضباب ..اطلب منهم بالجالون ..الصغير ب 24 ريال والكبير ب 29 ريال ..يعني حسب كثرة الضيوف ..وترى ممكن تجلس بالثلاجه يومين ما تخرب .. افضل الانواع: المنجا , الفراوله , الكيوي
*جربت عصيرات ماما نوره بس بصراحه ما اعجبتني ابد خفيفه والطعم مو ذاك الزود

ان شاء الله اكون افدتكم يا بطات .. واريحكم من الدوران والغثا:eek: .. واي سؤال انا حاضره مابي الا دعواتك لي بالهدايه ولبنتي بالشفاااااء العاجل ..ادعو لبنتي تكفون علها توافق باب مفتوح

وين البنات اليوم مالهم حس ؟
اوووووف ... فينك يا بت .. ولدتي والا وينك فيه ؟؟غطستي مره ..طمنيني عنك يابنت الرجال
سالي .. برضه مالها حس ..يارب تكون ولدت وارتاحت
ام النور .. شيخة القصمان ..رنوده .. منسوتا .. احلى مراهقه.. نبع الوفى وباقي البنات اخباااااااركم

:( :(

ليه حكووومه ماسالتي عني
اوووب قد المقااااااااااااام ولا اووووب حااااااااااااامل :22:

لا ابشرك اني حامل وابتوحم عليتس يالدووبا :hahaha:

المهم مشكوره على الاختصار
وان طلعت لضيوفي هذا وجهيييي :eek:
ياحبيلك بس وياحبي لباقي البنوتااااااااااات البطبوطات