الله يهون عليك

بنات الدانوب وين مكانه .. ياليت تعطوني معلومات عنه

بحياة مول اللي جنب صحارى

اهلين بنات كيفكم
بصراحه ما قدرت امسك نفسي قلت لازم اكتب لكم واطلب مساعدتكم:(
والله يجزاها خير اللي بتساعدني
بصراحه مافيه احد ماوده يكشخ كل الناس تحب الزين
وانا اولهم:42:
لكن ماديات زوجي ماتسمح
وانا ماودي اضغط عليه
انا توني في الشهر الثاني بس افكر اجهز من الحين علشان ما انزنق
وحدي سته الاف ريال:eek:
بس كل شي غالي مره السته مدري وش بتسوي
خاصه ان اخوات زوجي يكشخون مره وانا ما ابي اجي اقل منهم بعدين اللوم بيقع علي وعلى اهلي مهوب قايلين اخونا مسيكين ما عنده وهي حبيبه ما تبي تظغط عليه!!!
طبعا هم زياده على كذا ازواجهم يشتغلون في شركات ولهم تامين اما انا يبيلي سبعه الاف للمستشفى
غير السته حقت التجهيز
والله ما ادري وش ابدي
واللي تعرف محلات كشخه واسعارها معقوله تدلني عليها الله يجزاها خير
وين الاقي مفارش حلوه فيه؟
وابي مفرش تقديم للمولود وما اقدر اتعدى فيه 300 ريال ولو يكون مدس احسن طرار ويتشرط
وابي روب حلو لي للمستشفى
وجلابيه حلوه لما اطلع من المستشفى وما اقدر اتعدى فيها 1000 ريال
وابي شكلين تقديم مع القهوه وكم تتوقعون تكلف
وشكلين مع الشاهي
وين الاقي بيالات وفناجيل وكاسات حلوه باخذ من كل شي درزنين وبرضو ما اقدر اتعدى فيهم 1000 الى 1500 ريال
لاني بصراحه في ولادتي الاولى اهل زوجي قطعوني تقطيع بالكلام ووصلني كلامهم من ناس بعيدين وضاق صدري مره منهم على الرغم اني جايبه جهدتي وما قصرت بس ما وصلت اللي يبون لاني ما اعرف محلات حلوه وسعرها يناسبني وراحمه اخوهم:arb: لاني اعرف البير وغطاه بس قالو عندها اهلها ورا ما حطولها واهلي بصراحه ما يقصرون بس الى متى بيصرفون علي وانا صراحه استحي اطلب منهم شي وما ودي يطلع كلام ثاني من اخوات زوجي ابي اسكتهم:32:
عشان كذا المره هذي اببدا من بكره بس انتم دلوني على المحلات الزينه
انا بصراحه ما هموني بس اخاف يزوجون رجلي :arb: واكل تبن

مربوطة الشوش .. ههههه ضحكني أسمك
أقولك رايي بصراحه اللي مثل كذا ماودك تكرمينهم دامهم ماأكرموك أنتي مرة أخوهم بدل مايكونون معك يصيرون ضدك ويروحون يتكلمون عليك عند الناس .. والمصيبه أكيد أمه وخواته عارفين حال أخوهم وأهلك مهوب مكلوفين بك ولابولدك عشان يصرفون عليك مع أن الأهل والله مايقصرون الله يخليهم لنا .. ولوني منك والله ماعلي منهم وإذا جوني قدمت لهم شوكولاته وتمر وفطاير واقضبوا الباب والسته آلاف اللي معك إذا طلعتي من النفاس سافري أنتي وزوجك وأنبسطي وخلي اللي فيه مر يطلع ...وخييييييييير يزوجونه عشاني ماحطيت في نفاسي شوكولاته غاليه .. متخلفيين .. لاتهتمين منهم طنشيهم ؟؟ بحاول أساعدك باللي أقدر عليه ..
تلقين عند جاكادي مفارش للطفل ومدسات حلوه وأسعارها 300 وبعضها أقل ..
فيه مفارش بعد معقوله وحلوه تلقينها عند الجار الله اللي في العويس وفي وشيقر عند الشلهوب .. وأسعارها معقوله ..
الجلابيه عند واحة الجلابيه وفيه بعضها أقل من ألف .. شايفه وحده ب 600 حلوه وكشخه ..