مشكوره اختي على الموضوع جدا رائع
انا اقترح تقديم الشوكولا يكون من بيستاشيو في شارع الثلاثين في العليا
والمعجنات من اوبرا

السلااااااااااااام عليكم...
هاااااااااه ياحوامل اخباركم الله يهون عليكم يارب ويقومكم بالسلامه ..
رجعت لكم بعد طول غياب بسبب انشغالي بالولاده ثم رمضان ثم العيد ..الله لا يشغلنا عن طاعته قولو امين

العضوات الكريمات اللي تضايقو من عنوان الموضوع (بس الكشخه اللي من الرياض ) انتو فهمتوني غلط..بالعكس احنا نرحب بالجميييييييييييع من الرياض وجده والشرقيه والامارات حبايب قلبي الكشخه في كل مكان وليست حكر على الرياض فقط..بس انا فكرت ان اغلب العضوات من الرياض وحبيت اخلي العنوان ملفت عشان يدخلون بسسسس هذا القصد .. واسفه جدا جدا جدا اذا وصلت لكم معنى ثاني وسامحوني ارجوووووووكم

لكل من باركت لي بالولاده اقول لها الله يبارك فيك وعقبال الجميع يارب.. وتسلميلي حبيبة قلبي الرياض عاليه على تسلمك مهام العمده اثناء غيابه والله يكثر من امثالك ويسخر لك ما قصرتي تحاولين تفيدين البنات قد ما تقدرين والشكر موصول للجميييييييع .. وانا راح ارجع اتابع معكم لما تبطون انتم بعد واعطيكم من تجربتي المتواضعه ..بس نصيحه ابتعدوووووو عن التكلف ترى والله ما يجووووووووز ..خاصة هدايا البيبي تراها والله مالها داعي والناس بطلوووووووووها صارت قديمه مره..صدقوني خساير عالفاضي..بتقولين ماراح تكلف الا 500 (هذا اقل تقدير ) بقول لك والله ثم والله لو تعطينها ضعوف ثلاجتهم فاضيه كان تعبيها لهم شهر ..والا تشتري لاطفالهم ملابس شتويه بهالبرد اللي جا ..صدقيني والله ان هالخيار اخير لك عند ربك وبتحسين براحه نفسيه كبيره وربي بيسهل لك ولادتك هذا غير الدعاوي اللي بيدعونها لك هالمساكين..هدايا البيبي لا ائيدها ابد ابد والله انها خساير عالفاضي وما احد يحتفظ فيها ورجاء لا عاد تجيبون طاريها تكفووووووووووووووووون لأنها فعلا اسراف وما تجوز ولا نبي ناخذ اثام هالناس تكفون ياحلوات رجاااااااااااااااااااااء
*همسه*
بالنسبه للي شرفو الموضوع بردود حلوه و ذوق حياكم الله والموضوع منور بوجودكم ويشرفني مروركم.. والناس اللي داخله تنتقد باسلوب لاذع وسخريه ومسويه نفسها تفهم في الذوق والرقي اقول لها من سمح لك تدخلين؟؟ انا قلت بس الكشخه وانتي لانتي كشخه ولاانتي حولها..ولاتفكرين انك تكونين في يوم من الايام انسانه ذوق وراقيه دام هذا اسلوبك..ويشرفني عدم مرورك على موضوعنا..
لي عوده قريبا بإذن الله ودام الرياض عاليه موجوده ابشرو بالكشخه كلها ماشاءالله عليها ذووووووق وخفة دم بعد

الحمد لله على سلامتك حكيمة وانا والله معك انا نبعد عن الاسراف والتكلف بزيادة

الله يسلمك مدام كرز وكلنا خوات نتناصح و ننفع بعضنا .. والبنات والله فيهم خير كثيييييييير
الرياض عاليه وينك اليوم .. عسى ما ولدتي ؟؟
اخواتي وحبيباتي اللي قاعده تجهز للولاده .. انصحك بالشوكليت المكشوف صاير هو رقم واحد الحين ..والمغلف يجي بعده و كثير من الضيوف ما يحرصون عليه ..
والشاهي والنعناع ما عاد الناس يحطونه بالمستشفى..الله يعافيهم ريحونا بصراحه ..وهذا هو المفروض من اول ..هذي زيارة لوحده والده تاخذ وقت من عشر دقايق الى ربع ساعه فماله داعي الشاهي ابدا
بالنسبه للي ولادتهم بالصيف تحاول تتفنن بالعصير يكون منوع و طبيعي ويتقدم بصينيه قزاز شفافه وتزين بالورد المجفف المنثور بورده طبيعيه تكون من نفس لون مفرشك او تجهيزاتك(وهذا ليس ضروري ابدا) توضع في حامل الورد الزجاجي تلاقينه بمحلات الاواني شكله مثل الكاس بس نحييييييييييييييف مره.... اما الشتاء استبدلي العصير بانواع القهوه (الفرنسيه والتركيه)
لان الناس بردانه وتبي شي يدفي ..
لي عوده ياحلوات

الحمدالله على سلامتك ياحكيمة..
يالله ارجعي وقولي لنا وش سويتي في المستشفى وفي البيت..
عاد تدرين انا سبحان الله مترددة بموضوع الهدايا كثير..وماكنت مقتنعه فيها مرة..
مرة اقول بسوي وبعدين اهون..
بس خلاص قررت ماراح اسويها