من يومين رحت لوحده في المستشفى

طبعا حركاتها مافيه شين مستنكر على قولتنا
كل حطها شايفته من قبل

بس وش اللي استغربته

ان بيالاتها وفناجيلها وكاساتها وترامسها فخمه بس

المهم اسولف انا وامها قلت الله يكون في عونكم ولدت بنتك في الشتاء يالله اجل يبيلك تعبين هالترامس وتجين

قالت النقصه على التاجير

تنحت انا مافهمت قلت وش تاجيره

قالت هذا ياطويلة العمر اي محل تاجير حفلات زوالي وطاولات اكيد عرفتوه

تتقاولين معه يجيبلك المعاميل كلها من الى
والقهوه والشاهي والنعاناع والزنجبيل والغجر اللي تبينه
والصبابه بعد
وانتي مرتاحه لاشنقلي ولاعبي

اللي قد سوت كذا تقولنا عن التجربه
بصراحه قهوتهم حلوة وزنجبيلهم حلو مافيه فرق ولا موب حلو

بس هذا جديدي

حكومة

صندوق الرسايل عندك مليان ابي ترسليني الله يعافيك

اللبس في المستشفى الافضل ارواب او بجامات
بس ان شالله نلقى شي شتوي لان الجو بارد

يا حلوات تم تفريغ صندوق الرسايل ..اللي تبي تراسلني انا اتشرف اخدمها بعيوني وحياها الله
جنا .. والله انا مالي خبره كثير بالخبر ياليت البنات يفيدونك ..بس اتوقع ممكن تروحين سيتي بلازا تلاقين عندهم تحف بأحجام متفاوته واغلبها مجوف و قزاز ..ممكن تعبينها شوكليت وشكلها بيطلع حلو
عطر وزهر .. انا بعد سمعت عن تأجير البيالات وتوابعها بالمستشفى .. وبعضهم يتعاملون مع قمرا او المبدعات وهم يتكفلون في كل شي ..بس انا بصراحه ما تحمست للفكره لأني ما اضمن القهوه وش بيطلع طعمها ولا ودي اتفشل في ضيوفي ..اما الصبابه فهي ضروريه جدا وممكن تلقين اكثر من وحده تشتغل لحالها مو شرط تبع حفلات .. بس والله صدقتي في ناس مريحين اعصابهم ومقاطعين هالمحلات وكل شي يجي عالجاهز .. والله انك سنعه يا عطر وزهر والله لا يخلينا من هالأضافات الحللللللوه
سالي .. المستشفى جوه معتدل دايما مايتغير لا بشتا ولا بصيف ..لأنك تتحكمين بالتكييف وتقدرين تقفلينه ويطلع الجو حلو ..انا مثلا ولادتي الاولى كانت بعززز البرد ..بس والله ساعات اموت من الحر وانا بالمستشفى مع اني لابسه طقم شيفون على حرير على دانتيل يعني صييييييييييييفي والسبب ان المفرش بيغمتك غمته هههههههه يعني طول ما المفرش فوقك بتحسين بالدفا.. هذا غير ان الغرفه اذا امتلت بالضيوف ما تحسين بالبرد بالعكس ساعات كنا نشغل التكييف
وبالنسبه للأرواب حسب ميزانيتك وقناعتك ..يعني عندك من ال 200 ريال الى ال 5000 ريال ..انا اخذت قميص دانتيل اوف وايت نعوووووووم وفوقه طبعا روب من نفس القماش ..يعني كله دانتيل ,,والاكمام اطرافها محفوره بالوردي الفاااااااتح والسكري ..والصدر عليه مثل الشريطه الساتان ورديه اخذته من السيد اللي على شارع التحليه ب 600 ريال يعني معقول ..روحو السيد والله عنده شغلات حلوه واسعارها معقوله..
وفيه برضه رويال مول الدور الثاني ..عندك سيب كااااااااااامل للملابس الداخليه ..وفيه اكثر من محل عندهم ارواب تنفع استقبال بالمستشفى واولهم الريس بس اذا مالقيتي في العرض شي خليه يفتح لك الدواليب اللي ورا عند الكاشير فيها حاجات حلوه وفخمه كنت ناويه اخذ منها

الله يعطيك العافيه يا حكيمه

ممكن صور الصياني اللي من ابتكارك
اختي نفاسها قريب ومشغولين نجهز لها

نبي فزعتك يا ام الفزعات