بعد اذنك اختي حكيمة ........عندي سؤال وين احصل السلسلة اللي تعلق على الكاسات ..اللي اعرفة انها يجيبونها من لبنان بس من تعرف محل في الرياض يجيبها.........

هلا كيفكم؟؟؟ انا كمان ودي استفيد وافيد ....
وبالنسبه لي لساتني اليوم بديت التجهيزات ودخلت صياني كانت عندي من زمان وخليته يغير الديكور تبعها وراح اخليها كلها تركواز وذهبي وكمان يحط فيها ريش ناعم ايش رايكم بتصير حلووه ولا لا؟؟
وكمان ودي اخذ رايكم بالأيسكريم الصغير اللي عند سو ايش رايكم فيه ويقدم مع ايش؟؟؟
والمعجنات ايش رايكم في معجنات زاكي الكنديه كثير يمدحونها؟؟؟
ياليت تردون علي .....

أنا دخلت علشانك ما تحللين اللي يدخل وما يرد..
بس بغيت أسأل.. سو هذا وينه فيه بالضبط؟ في شارع الثلاثين؟
وزاكي هذي وينه يا فلاور؟

فعلاً المكشوف هو الدارج أكثر الحين المغلف نادر ويحطونه آخر شي..
وحركة الصندوق يا غريبة دار أحسها قديمة.. عارفة أنه صندوق حقيقي.. يمكن لو كان مشغول مرة وفخم بيكون غريب.. لكن إذا ما فيه شيء مميز أحسه الحركة عادية..

الله يعين..
والله بغيت أوصيكم يا بنات.. واعتبروها ذكرى ولا تزعلون من أختكم
تذكروا أن لنا أخوان يموتون الجوع في أصقاع الأرض.. وأن الله راح يسألكم عن كل ريال فيم أنفقتوه في يوم كان مقادار خمسين ألف سنة..
فلا تسرفوا وتبذروا..
فالإسراف أول ما يستحل به الناس غضب الله وعذابه..
"وكم أهلنا من قرية بطرت معيشتها فتلك مساكنهم لم تسكن من بعدهم إلا قليلاً وكنا نحن الوارثين"
فالله سبحانه خص سبب الهلاك والعذاب بالبطر في المعيش والإسراف والمباهاة والمفاخرة في المظاهر..

حلو الإنسان يظهر نعمة الله عليه.. لكن باعتدال..
أنا ما أوجههكم.. لكن أذكركم فقط.. والله يوفقكم يارب..

للتوضيح بس
أعيد وأكرر أنا ما أقول لا تتكشخون وتتزينون وتختارون الأفكار الحلوة والغريبة في التقديم..
بالعكس هذا شيء حلو وجميل..
وعلشان ما أكذب.. أنا نفسي أحب الشكل الحلو المرتب الغريب.. وأدور على الحركات المميزة..

لكن أنا بس بغيت أذكر بعدم الإسراف في الصرف على هذه الأشياء المتعلقة بالمظهر.. مجرد تذكير لنفسي ولكم..
والله يجمعنا في جنة الفردوس يا رب العالمين..

أرجو أنكم ما تفهوني غلط.. :)

أنا دخلت علشانك ما تحللين اللي يدخل وما يرد..


مشكورة