رسيل ... خخخخخخخخ ياختي وش اسوي هبل بي هالمنتدى من امس وهو معلق والصفحه على رقم 49 ما رضت تطلع ردودي .. بالنسبه للعصير في البيت انا اشوف انه لابد منه اما المستشفى لااااااااا .. بس عاد لا يصير بارد مره ويمرضون ضيوفك ..
بالنسبه للكبتشينو والقهوه الفرنسيه ليه ما تطلع حلوه فالبيت ؟؟ انا اسوي الثنتين وكلهم حلوين .. الكبتشينو جيبي قهوه (دافيدوف)تلقينها بالسوبرماركت واخلطيها مع حليب وسكر بالخلاط بعد ما تضيفين المويه المغليه وبعدين صبيها في اكواب .. والله رغوتها كثيييييفه وطعمها لذيذ مره ..وبعد ما تصبينها ذري على الرغوه بودرة شوكولاته وتطلع تهببببل زي برا واحلى
والفرنسيه جيبيه من محامص الرفاعي وسويها مثل ماتسوين القهوه التركيه يعني مويه وسكر وبس.. بس لازم ماتغلي على النار اكثر من غليتين عشان تصير على قول المصاريه ( ب وش )
رسيل24
•
بجرب اسويها بالبيت اول اذا ضبطت معي سويتها بنفاسي على الاقل بتكون حركه غريبه
بس ابي اعرف ترتيب التقديم مثلا اول مايجون وش احط العصير او القهوه الغير عربيه :D
والا العربيه والا وش احط
<<< اعذريها بكريه ماعندها سالفه :(
بس ابي اعرف ترتيب التقديم مثلا اول مايجون وش احط العصير او القهوه الغير عربيه :D
والا العربيه والا وش احط
<<< اعذريها بكريه ماعندها سالفه :(
اذا بتحطين عصير انا اشوف تكنسلين القهوه واحد منهم يكفي.. واذا ودك تحطينها زياده مع العصير اتوقع انسب وقت لها يكون بعد العصير ..وخلي القهوه العربيه في البدايه مثل ماهي والشاهي بعدها ...بعدين العصير لحاله بدون سواريهات ..والقهوه الغير عربيه اخر شي مع السواريهات انا هذا رايي والله يوفقك
الصفحة الأخيرة
شيخة القصمان .. ياهلا وغلا.. ومشكووووره على الدعوه والله فرحتني ويجزاك الف خير يالغاليه ..والله يعطيك الف عافيه على معلومة الزنجبيل بحاول اروح للعريني هاليومين لأني امووووووت فيه
شمعة الدور ..هلا فيك اختي بس حبيت الفت انتباهك لكم شغله :
اولا : انا اسمي حكيمة زمانها ..والمعنى يختلف تمااااااما عن اللي كتبتيه وهو الحكيمه بزمانها
ثانيا : انا ولدت وخلصت والحمدلله وبنتي عمرها 4 شهور الحين .. يعني كل اللي قاعده اسويه الحين وهالمتابعه وهالردود مالي اي مصلحه منه الا اني افيد خواتي وحبيباتي الحوامل ويارب اقدر افيدهم ولو بشي بسيط حتى اكون ممن قال فيهم الرسول صلى الله عليه وسلم (خير المؤمنين أنفعهم)
ثالثا : انا قلت تقريبا يوميا اطلع وليس يوميا .. فيه فرق
رابعا: اذا انتو مجتمعكم الوحده فيه تولد وتطلع البيت ثاني يوم بدون ما تستقبل زوار بالمستشفى فاحمدي ربك على هالنعمه.. لأن احنا مجتمعنا وعاداتنا غييييييير وتفرض علينا نستقبل زوار بالمستشفى يومين اذا الولاده طبيعيه و4 ايام اذا قيصريه ... اجل ما سألتي نفسك ليه الحمادي فاتح سويتات فخمه وخاصه بالنساء والولاده ؟؟ فكري وعلميني.. يعني الاستقبال شي بديهي وتعودنا عليه وماعندنا احد يولد بدون ما يستقبل في المستشفى مع انها عاده غلط بس وش نسوي ما باليد حيله..لا وازيدك ما الشعر بيت ..حتى مفرش المستشفى وروب الاستقبال لازم يكون حلو وفخم ..وهذا مفرشي اللي شريته يوم ولادتي بالدولاب والله ما استخدمته الا يومين بالمستشفى وبعدين رجعته لشنطته جديييييد اذا تبين تشترينه حياك الله خخخخخخخ
خامسا: ضحكتيني لما قلتي : لك خلق بعد اللي شفتيه تستضيفين احد وتفكرين وش تضيفين بعد خخخخخخخ عمرك شفتي وحده توها والده تفكر وش تضيف ؟؟!!! هذا غير ان الضيوف بيدخلون عليها بعد كم ساعه ؟؟؟ اجل انا ليه كاتبه هالموضوع من الاساس؟؟؟ كله عشان نجهز بدري ونعرف وش نسوي قبل لا تجينا الولاده
سادسا: كنت اتمنى القى في ردك اللي من 3 سطور كلمه وحده حلوه تحسسني اني قاعده اسوي شي حلو ومفيد بس للأسف مالقيت الا الاستهزاء والانتقادات واتهامي اني ماشكرت ربي على النعمه!! ..عالعموم مشكوره والله يعطي كلن على نيته..بس لي سؤال محيرني : دامك منتي مقتنعه بهالموضوع ولا بافكاري ليه مكلفه على عمرك بهالتعليق؟؟؟ مدري وش بتستفيدين يعني؟؟ عموما كلن بعقله راضي