اختي شمصبرج عليه... استخيري وتوكلي على الله... والله يوفقج

تقدمي للمحكمه بطلب حكم

او روحي لمحامي وشوفي رايه في المووضوع راح يكون افهم منا....

وبصراحه انا على الوضع اللي شرحتيه اايدك خاصه انه يسب اهلك

والله لو زوجي كان من اول مره يسويها راح امسح فيه هو واهله البلاط الا اهلي

احس اني راح اتجنن لو سبهم ولا راح اخليه يلمسني هذا جزاهم عطوه بنتهم ويسبهم

تطلقي

الواثقه من نفسها** موف ** عليا **أم سعود ** غرشوب رعبوب **ماما البنات
**أم ميثاء ** بسمه **وعزيزتي أصداء ** وروان ** وتوته ** ولولو توفي
يزاكم الله خير على هذي النصايح
تسألون شو مصبرني ؟؟
اللي مصبرني الذكريات الحلوه اللي كانت بينا لأنها صحيح كانت بعض الصفات
ماتطورت عنده بس كنت متحملته لأنه كان يحبني من قبل الزواج وأنا بعدني في المدرسه كان يترياني أخلص الثانويه عشان يتزوجني وكان يصرح بحبه
لي قدام كل الأهل مع إنه هذي الأمور عيب عندنا في العايله
مابنسى يوم كنت أولد كانت الدموع في عيونه يخاف علي من الموت
صحيح يقعد ساكت عندي مع إني افتحله مواضيع عشان يشاركني بس مافي فايده بس
كان إذا طلع من البيت بعد خمس دقايق يتصل من برا ويقعد يكلمني في مواضيع عن البيت مالهاداعي وأقوله أخرة هالكلام شو .. شوفو شو رده يقول ماأعرف الظاهر إنتي مسويتلي سحر عشان أتكلم معاج غصب بروح اتعالج منه !! لكن مايعتبره شوق ومحبه
حياتنا ادهورت بين يوم وليله يعني الأشياء الكبيره صارت فجأه
المهم بعد إقناع إنه يمكن فينا عين لأننا كنا في بداية زواجنا ماشاء الله تبارك الرحمن الكل يحسدنا على حياتنا الحلوه .. المهم راح وقاله الشيخ إنه فيه عين وعوارض سحر
على خفيف لأنه يوم زواجنا لاحظت إنه كان يترياني أخلص الصلاه بفارغ الصبر ويوم
قربت منه شفته يغمض عيونه ويتأفف بعدين قام على طول صلى ورجع لي بعدها
فقاله الشيخ إن هذي عوارض سحر إنته خففت الضربه بالصلاه وخصوصا إنه قرا
سورة البقره فيها..
الحين عندي أمل إنه مب طبيعي إنه في أحد مسويله شي لأنه كان في يوم من الأيام
ملتزم بدينه هذا اللي مصبرني لكنه مايلتزم بالعلاج ..
وأحيانا أقول لا هو طبعه تغير مستحيل يرجع مثل أول ..
عشان كذا أفكر بالطلاق وهو مب راضي يطلقني ويقول أنا عارف ليش تبين الطلاق
عشان تتزوجين واحد غيري لكن بعيد عن خشمج.. ويقولها متأكد إني راح ألاقي غيره مع إني وعدته إني بس بربي عياله مابتزوج ..
واللي خايفه منه إن المحكمه ماتوقف معاي وأهلي قالو بس أنتي قرري واحنا روحنا فداج
وأنا أريد طلاق مع حضانة الأولاد ..

والله يا أختي مادري شو أقولج كل ما صار شي بين حرمة وزوجها قالوا مسحور ومسوايلهم شي بس اللي أنا مقتنعه فيه ان الدنيا قسمة ونصيب حد بطيخته تطلع حلوة وحد ماصخة وكل هالدنيا اختبار واللي رب العالمين يبتليه بمرض أو فقر أو فقد الأنفس والثمرات يعني وفاة الغالين وخسارة التجارة وحد يهدد أمنه ويعيشه في حروب يعني البلاء أشكال وألوان وربج يختبر عبده ويشوفه يثبت على دينه ويؤمن بربه ويؤدي الفروض وأركان الإسلام يقيمها إذا لا ... فهذا يعاقب على قد ما قصر وأبداً ما يشفع له عند رب العالمين ان مسواي له سحر !!!

انت هذا بلاج من رب العالمين يختبرج من هالمصيبة إذا بتقبلين عليه وتتقربين له وأكثر ولا بتعرضين عنه وتغرقين في بحر أحزانج وتشتغلين بالدنيا عن الأخرة والقرار بإيدج

إذا في بقائج مع زوجج خير في دينج ودنياج ابقي معاه وإذا فيه شر يلحق بدينج ودنياج تطلقي منه أهم شي من هذا كله دينج لا تغفلين عنه ولا تاخذج الدنيا الدنية.....