@ام عبودي@ :

السلام عليج اختي وكل عام وانتي بخير والله اني حاسه فيج يااختي وانك لاتهدي من احببت ولكن الله يهدي من يشاء عليج اختي بالدعاء انه الله يهديه في كل صلاه اشتري شرايط عن عقوبه ترك الصلاه خليه يسمعها وعسى ربج يهديه والله يسعدج يارب ويهدي لج زوجج ويسخره لج امين يارب العالمين :27:

السلام عليج اختي وكل عام وانتي بخير والله اني حاسه فيج يااختي وانك لاتهدي من احببت ولكن الله يهدي...

shweegy :

مرحبا ختيه.... والله الواحد قلبه يعوره يوم يشوف غريب ما يصلي... وين لو كان من أهلج ومن أعز الناس ع قلبج؟؟ الله يصبرج يا رب... سمعي الغالية.... هذي قصة حقيقية.... فيه بنت مدينة وأخوها ما يصلي... فكانت دايما تدعوه للصلاة وتدعي له... وهو يطنشها... ويعتبرها إنسانة فاضية... وتمت ع هالحال فترة طويلة... ألين ما شافت إنه ما وراه فايدة... فتخيلي شو سوت؟؟ قامت البنت وتحجبت وما خلت أخوها يشوف شعرة من شعرات راسها... وتخيلي تلبس عباية جدامه... ولا... إذا أخوها دخل البيت فجأة... تقوم بسرعة عشان تغطى... يعني شو؟؟؟ اعتبرته إنسان أجنبي... واستأذنته إنه يدق الباب قبل لا يدخل أي مكان عشان تقوم.. هذا الريال سأل أمه... ليش ختيه تسوي جيه؟؟؟ قالت لأنك تعتبر كافر... وما يجوز لك تنظر له... شو أشد على الريال من إنه يسمع هالكلام... المهم... في البداية كان مطنش... بس عقب استحى... والله هداه إلى صراطه المستقيم.. ولله الحمد... بس الغالية... ما أظن إنج تقدرين تطبقين هالقصة... لأنه هذا أخوها.. بس انتي ريلج... وأظن إنها صعبة... بس يعني خذي أفكار منها وطبقيها... يعني لبسي شيلة جدامه.. وغطي شعرج... ولا أقول... استمري ع النصيحة... وقولي له... إنه الله سبحانه وتعالى يحشر المرء مع من يحب... وانته بنتك أكيد تحبك... فهل تباها تحشر معاك؟؟؟ يعني خله يفكر في عياله قبل لا يفكر في نفسه... ولا تملين الغالية... صدقيني.. أي شي الله كاتبه فيه الخير.... ولج أجر إن شاء الله... وادعي له... وخبريني عاد يوم يصلي... لأنه هذا خبر يسر كل الناس.... وشي أخير ودي أقول له... (سمحي ليه.. أدري وايد طولت) قولي له إنه الشيطان يجمع أقرانه من صباح الله خير ويطرشهم ع الناس... فإذا ردوا رد وجمعهم... فيسألهم.. شو سويتوا؟؟ ايي الأول ويقول له: والله أنا خليت فلانة ترد على أهلها.. (مثال) فيقول له الشيطان: سير انته ما سويت شي.. ويسأل الثاني... انته شو سويت؟؟؟ فيرد عليه ويقول له... أنا خليت فلانة تغازل طول الليل.. وتكمل شباب... (مثال آخر) يقول له الشيطان.. سير هذا مب شي.. ألين ما ايي واحد ويقول له... أنا خليت مؤمن يرتد عن الإسلام... هني الشيطان يضمه ويقول له.. تعال يا حبيبي ويوليه مكانة عالية بين الشياطين.. وكيف يكون الارتداد؟؟؟ بترك الصلاة... وهذي قصة قالوا لنا اياها في محاضرة يوم كنت في ثالث اعدادي... من جيه كاتبة مثال... لأني مب متذكرة بالتفصيل... انا احينه ثالث سنة جامعة... فما قدرت أتذكرها أكثر عن جيه... وسمحي ليه الغالية... لأني وااااااااايد طولت عليج... بس والله ودي إنيه أساعدج... أختج في الله...

مرحبا ختيه.... والله الواحد قلبه يعوره يوم يشوف غريب ما يصلي... وين لو كان من أهلج ومن أعز...