اولا السلام عليكم ورحمة الله وبركاته :
هاذي قصتي بعد حرمان عشر سنين من الحمل ولله الحمد والمنه والفضل لله سبحانه وتعالى .
اول شي انا تزوجت وعشت أجمل قصة حب في الدنيا وزوجي سعيد بحياته معي وانا كذلك والحمدلله، تزوجت كغيري من الصبايا كنت اتوقع على طول يسير حمل وهيك بس ربي اراد اني انتظر عشر سنين من غير حمل ولا كنت ادري اني حستنى كل هاي المدة والحمدلله على ذلك لعله ابتلاء من الله او لحكمة اجهلها ولا اعلم بها المهم مرت السنة الاولى من الزواج ومافي حمل بس الحمدلله انا مبسوطه كتير مع زوجي نسافر ونروح ونجي مافي اي شغل ولا في اي عوائق الحمدلله طبعا ومرت السنة الثانيه ما سألنا عن الحمل ولان زوجي مابده على طول ولاد يعني نتهنى الاول وبعدين لسه انا صغيره وقدامنا العمر هيك بيحكي ومرت السنه الثالثه وما رحنا لا لدكاتره ولا لاشي يعني عادي ولا كأنو في اي شي وبعدين امه حكتلي هني ابني بلاش صغار هاي الفتره واتهنوا اربع او خمس سنوات وكأن الحمل بأيدي انا ولا باخد مانع ولا اي شي وكان كل ما احد يشوفني من قرايب اهلي يسألوني احكليهم ماني حامل ما يسألني حدا ماشي ... مرت السنه الرابعه وعادي كالعاده ومرت السنه الخامسه عادي كمان في السنه السادسه قالي زوجي شو رأيك نروح نفحص نشوف ليه ماصار حمل قلت ماشي رحنا دكتوره مره شاطره عندنا في الرياض في مستوصف كويس كتير المهم رحنا قالت مافي اي شي انتي نسبه الحمل عندك 97% وزوجك سليم والمبيضين عندك شغالين وبينزلوا بويضتين يعني لازم تجيبي توأم والحمدلله على كل حال قالتلي كم شغله اعملها بعد الجماع الله يكرمكم وبس وبعدها بشهر رجعت قالت ما حملتي قلت لا استمريت معاها شهرين وبس وبعدين لقيت مافي اي نتيجه يعني امورنا تمام بس مافي اي حمل هذي مشيئة الله انا والله يااخوات في هذي السنوات السته الي مرت كنت كل ما تيجني الدوره اموت من كتر البكي بس ما بحسس زوجي علشان هوا كمان مايتأثر وهو ساكت طبعا والله يسامح مديره بدو يزوجه والكل يحكيله ليش صابر من غير اولاد اتزوج بس لو انت سعودي كان من زمان توزجت الله يسامحهم المهم بعد مارحنا عند الدكتوره لقينا مافينا اي اشي قال زوجي خلاص بلاش نروح نتخسر بس بدال مافينا اشي خلينا بس نعمل بالاسباب طبعا انا كان وزني كتير كبير يعني كنت تقريبا 97 كيلو وعملت رجيم قاسي ونزل وزني كتير المهم سارت السنه السابعه والثامنه والتاسعه والعاشره مرت علي زي الشطه يعني كل يوم بيمر من عمري بموت الف موته وزوجي كان كمان بيتألم بس مابيحكيلي علشان ما ازعل ولا اتضايق والله كل يوم بيسمع كلام قد شعر راسه طبعا انا عرفت بعدين المهم في يوم رحت حجيت ودعيت الله بكل تضرع وقلت ياالله ياكريم يارحيم يامعطي ياهادي يااكرم الاكرمين يارب ما اطبق عشر سنين من زواجي الا وانا حامل وانا طبعا ببكي:icon33: كتير كتير كتير لاني تعبت والله الكل حواليا بيحملوا وبيخلفوا وكل خواتي الصغار واخوانه طبعا وهوا اكبرهم واله عشرسنين متزوج ولا معاه ولد واحد ( ياربي الحمدلله على هذيك الايام ) المهم قررت اني انسى واروح ادرس في الاردن كملت دراستي ودرست هندسه برمجيات وشريت بيت هناك وبقيت لوحدي وزوجي هنا بالرياض وطبعا اهلي كلهم بالرياض وانا بس لوحدي بدرس ودراستي راح تستمر خمس سنوات المهم بعد سنتين ونص من الدراسه اخذت اذن وجيت عند زوجي وبقيت لمدة فصل كامل عملت رجيم قاسي ونزل وزني 17 كيلو ب3 شهور وبعدها اجاني وجع ظهر لدرجه اني ماقدرت اقوم اروح الحمام ( اكرمكم الله ) ولا اروح مكان كل اشي بعمله بصعوبه المهم بعد شهر من الرجيم سافرنا للاردن علشان بدأت اجازه زوجي وعلشان انا الحق على الفصل الي باقيلي المهم صار معي نزيف شويه من كثر الشغل ولان ظهري تعبان كتير المهم رحت لدكتور هناك تبع عظام قال حللي حمل قلت ها قال حللي حمل قال زوجي ليش احنا النا عشر سنوات ما اشاء الله اننا نخلف ولاد وجينا علشان ظهري بس قال بس حللي دم حمل قال زوجي طيب وطبعا في هذا الوقت كنا نسينا كل شي الحمل والولاد وكل اشي المهم طلعنا يوم الصباح كان كتير حلو هاد اليوم حللنا حمل ورحنا فطرنا بره وكنا كتير مبسوطيين بعد ساعتني رجعنا ناخد التحليل وعارفين النتيجه طبعا من عشر سنين وكنت قاعده في السياره قال زوجي : انتي حامل قلت:ها قال: انتي حامل قلت : لا تمزح معي بهيك حكي قال : والله انك حامل قمت نزلت من السيارة ودخلت على المختبر ناديت الدكتوره الموجوده بالمختبرات قلت : هاد التحليل الي ... زعلت الدكتوره : قالت ليش بتسألي مين انتي قلت: فلانه قالت : اذن الك قلت بس هاد التحليل صحيح ولا لأ ولا يمكن مخربطين فيه قالت: شو مالك انتي طبعا صح انتي حامل قلت: مين حامل قالت: انتي حامل عادي يعني البسس بتحمل بالشارع قلت: البسس مش انا والله والله والله ماعرفت شو صار معي انهد جسمي فجأه ودخت وقعدت على كرسي وابكي ابكي ابكي :icon33:مش عارفه كيف افكر ولا شو احكي قامت الدكتوره بتكلم زوجي بتحكيله شو مالها قال معلش النا عشرسنين :icon33::icon33::icon33::icon33::icon33::icon33:
والله ماني قادره اتحمل وانا اكتب القصه بس والله عانيت كتير المهم طلعنا من المختبر ورحنا للسياره روحنا ما اعرف وين ولا كلمة لا انا اتكلم ولا زوجي يتكلم ومالقيت نفسي الا السياره واقفه عند المقبرة اه لا تستغربوا المقبرة نزل زوجي يزور امه الله يرحمها ويجعل مثواها الجنة تخيلوا انا حامل وعند المقبرة ظليت ساعه وانا بالسيارة مش عارفه شو اعمل اضحك :27: ولا ابكي :icon33: المشاعر مختلطه ببعض يعني صدقوني مش حقدر اوصفلكم الي صار معي بهديك اللحظه المهم طلع زوجي من المقبرة عيونه متنفخه على الاخر ومش قادر ياخد نفسه من كتر البكي المهم وصلنا لبيتنا وشفنا عمي يعني ابو زوجي وكان نازل على السوق وما قدر زوجي يحكيله شو يحكيله ( مرتي حامل ) المهم طلعنا البيت ونام زوحي على السرير والله يابنات لو احكيلكم شوصار ما بتصدقوا زوجي تنهد تنهيده والله قلت له : شو هاي التنهيده قال : عم برتاح من عناء السنين صرت ابكي وقلت كل هاد كان بقلبك وما رضيت تشكيلي ولا تشعرني بهاد الي حامله جوات قلبك قال : وانتي لو الك هاي مشيئة الله المهم يابنات اتصلنا على اهلي بالرياض امي كانت بتنهبل واخواتي واخوانه والحمدلله ربي رزقني ببنت زي القمر وعمرها الان خمس سنوات ربي يحفظها ويخليها الي يارب ومتت مية موته بولادتها لاني ولدتها طبيعي قيصري وكنت والله صاحيه وهما بيشقوا بطني والحمدلله على كل حال بس والله يابنات الي خلاني اكتب قصتي علشان ما تيأس وحده من رحمة ربها وعليكوا بالدعاء وطبعا نزول الوزن والآن انا اسعى جاهده انزل وزني علشان يمكن ربي يكرمني بأخ او أخت لها وآسفه على الأطاله ... محبتكم : عاشقة لزوجها جدا"
عاشقة لزوجها @aaashk_lzogha
عضوة نشيطة
يلزم عليك تسجيل الدخول أولًا لكتابة تعليق.
الهدى والنور
•
الف مبروك و الله يرزقك باخوات او اخوان لها
طحياوية
•
قصتك غايه في الروعه الله يرزقك يارب اخ او اخت لبنتك يارب في هذا الوقت المتاخر من الليل وانا ايضا دعواتك الي:)
الله كريم ورحيم الله يرزقك ويرزقنا بالحمل
يارب اكرمني اشيل طفلي بين يديني يارب راح العمر يارب ارزقني
ادعوا لي ولكل محرومه
يارب اكرمني اشيل طفلي بين يديني يارب راح العمر يارب ارزقني
ادعوا لي ولكل محرومه
جزاكم الله كل خير ويارب يعطينا ويرزقنا كلنا بالذريه الصالحه عاجلا غير اجل يالله ياكريم ياكريم ياكريم
الصفحة الأخيرة