السلام عليكم كيفكم عساكم بخير
حبيت اني اشارك معاكم موضوعي زي ماهو واضح لكم بالعنوان ، تعتقدون لاني ما صرت اكتب وافضفض هني معناته انتهت مشاكلي معها !! طططططبببعا لا وترى لقبل شوي بالتمام قبل خمس دقائق داخلة لي بمشكلة وحوار جديد ، بس بعلمكم شسويت
طول هالفتره اللي ما اجيكم فيها اتخدت قرار بيني وبين نفسي اني ما اتأمل فيها وفي غيرها اكثر من المعقول ، واي شي تقوله ما اخذه بمحور الجد واضيق خلقي ، فكرت في انه مالي بالدنيا الا نفسي واذا اهملت نفسي معناته ماراح اكسب اي شي بدنيتي وبكذا اكون انتهيت اما ب انتحار او ضيق مستمر وعزلة او اي مرض نفسي بصير فيه! ليه اوصل نفسي لكل هالمراحل ، قريت قبل فترة انه محد يقدر يغير اللي فيك غيرك انت ولو الدنيا كلها قالت انك افضل شخص وانه مافي مثلك انت ماراح تقتنع الا لما تغير نمط تفكيرك ..
فا صرت اصحى اصلي وادعي بكل اللي نفسي فيه وقبل انام اصلي الوتر وادعي واقرأ كتابي المفضل او اني ارتب البيت او اتفرج افلام المهم اني اغير من نفسيتي . ان تعبت او حسيت اني ببكي من شدة تصرفاتها السيئة تجاهي وبس هواش ياحبها للكلام والصياح احسها ما تمل وماشاءالله عليها فوق كل هذا ما قد شكت من الصداع ،، الزبدة صايره اسبح واستغفر كل وقت وانا انظف وبعد الصلاة وقبل النوم واول ما اقعد من النوم اشغل نفسي بأمور تهمني وتغير لي جوي، صح انه ما تغيرت نفسيتي ١٠٠ ٪ بس تدريجياً صرت اهون شوي وواثقة بربي بيعوضني خير وبكون بأفضل حال بإذن الله ادعولي جزاكم الله خير ، والف شكر لكل كلمة طيبة جاتني منكم ربي يسعدكم دنيا واخرة ❤️❤️❤️❤️
Luv7 @luv7
عضوة
يلزم عليك تسجيل الدخول أولًا لكتابة تعليق.
فلانةة
•
الله يثبتك ويكتب لك اجر صبرك على امك، ويشرح صدرك ويسعدك يا رب
الصفحة الأخيرة