بشتري شقه تمليك وبدي اشاوركم عليهاا

السلام عليكم ورحمه الله وبركاته

بدخل دوغري انا حابه اشتري شقه تمليك بجده تكون في المروه مخطط الحرمين ولا الوزيريه الوزيريه تعتبر رخيصه في تمليك الغامدي بس ماعجبني لانو يسلمني هيا بعد عشر شهور

ماعلينا الموهم انا الصراحه طفشت من الايجار مع اني مالي متزوجه غير سنه ونص او اقل الا اني خلااص مليت من بيتي دا تلاته غرف وصاله غرفتين صغار ووحده كبيره ايجارهاا 23 الف وسباكه الله لايوريكم شي يقرف فمليت ابغا انقل على ملك على طول

فكرت في الفلل بس الفلل دحين على مليون وفوق مافي اقل غير الروف وحتي الروف تعتبر غاليه اسعارها حوالي 900000 الف فكتير عليا مابدي اقضي حياتي كلها تسديد واقساط وهم فاابغا اخد شقه على قدي كدا انا وعيلتي الصغيره

فابغا شورتكم ايش احسن شركه تمليك وغير كداا ايش احسن حي اخد الشقه

وابغا تجاربكم

وصح لاتقولولي الدوله بتعطي وماتعطي مافيني استنا كمان سنه ولا اتنين

ياريت تساعدونن والله يفرج عن كل مهمومم
ويرزقكم جميعا بالبيت الملك يارب