نسيت أقول لك أن أغلب مشترياتي من (الهرم) و (ستي ماكس) و (سنتر بوينت) (وردتاغ)
واللبس الرسمي من المحلات المشهورة لكن في وقت التخفيضات لأني أخاف من (وماله فيما أفناه)

موضوع مفيد انا عندي بنتين ولد وصراحه مااعرف احط لهم ميزانيه احس اني دايم اشتري لهم
طبعا ملابس البيت من الهرم واشياء الطلعه من سيتى ماكس وسنتربوينت وردتاغ والمناسبات اشتري لهم ماركه

عن نفسي
اشتري لبناتي 3 جينزات و كم تنوره و مجموعه بلايز هذيلا اخليهم لطعه جمعيه حديقه
و بدلات فساتين و حركات للزيارات و المجمعات هذيلا حول 8 بدلات
و بجايم البيت 7 على عدد ايام الاسبوع
و اخلي لبس فساتين بسيطه رخيصه للعصاري في البيت

بس عن نفسي اشتري لهم وقت التنزيلات غير التنزيلات ما اشتري يعني وقت الشتويه لما يسوون تنزيلات على الصيفي اروح اتشرى للصيف لان لما يدخل الصيف الاسعار ترتفع

حبيبتي لا تشيلين هم الله يرزقك يارب
بالنسبه للاولاد ما يكلفون في الملابس زي البنات
اول شي اذا انتي من جده روحي الهرم ملابسهم غسيل ولبس ما تخرب واشتريلهم بجايم وترنقات حلوه للبيت وداخلي
وروحي لسنتر بوينت اسعاره حلوه وفخم واشتريلهم لبس للطلعات
ثاني شي انا نظامي مع بنتي اني كل شهر اشتري لها لبسه حلوه للطلعات وبجامه او بجامتين بس
ويوم يجي الشهر اللي بعده الاقي البجايم انكرفت من الغسيل اقوم ارميها اذا مرره مكروفه واشتري بدالها
وبكذا ما كلفت على نفسي وبنفس الوقت اشتري لها حاجه جديده وحلوه
فانتي شهر اشتري للاولاد وشهر للبنات وهكذا بس ما ادري اذا نظامي يناسبك اولا
بالتوفيق يارب

هو الموضوع حسب الميزانيه
وكم اعمارهم و انت من فين
انا من جده و عندي بنت عمرها 3سنين و نص و ولدعمره سنتين
اشتري لهم الداخلية مع البجايم و الشباشب في شهر و الشهر الثاني اخذ ملابس الطلعه للبنت بس حق العزايم من زارا او غاب و سنتر بوينت
و الشهر اللي بعده الولد و هكذه
ملابس البيت فيه في الهرم ملابس حلوه و شكله كانه ماركه و سعرها حلو