بشحت كلمة بحبك

اخواتي
انا حابة اقول لكم على الحاجة اللي دايما مضايقاني
بدخل في الموضوع علطول
انا بشحت كلمة بحبك من زوجي اقعد اقوله قولها حبيبي يقولها وطبعا مبيبقاش ليها طعم وعمرررررررررررره ما قالها من نفسه صراحة انا متضايقة من الموضوع ده
الاول كانت علاقتنا كويسة وبعدين اضطربت شوية ودلوقتي يعني نص نص يعلم الله اد ايه انا غيرت من نفسي لاواكبه
بالنسبة له مفيش كلام حب او رومانسي مع انه يعرف يقول كلام حلو يعني لما يحصل موقف مثلا مع صديقه ويحب يراضيه بتلاقي الكلام الحلو حضر وبيتقال بسهووووولة
الا عندي مش عارفة ليه؟؟!!
وانا عن نفسي رومانسية شوية وكمان لسه صغنونة يعني متعطشة لكلام الحب اوي مع انننا لنا سنتين ونص متزوجين الا اني من داخلي اشعر اني مازلت عروسة
وظروفي ان زوجي مسافر وشوية اروحله وشوية آجي
يعني يمكن ده السبب اللي محسسني اني لسه باول زواجي
ولما بقول لزوجي امتى هتقوللي كلام حلو يقول سيبيها بظروفها واسيبه فترة طويلة ومبيقولش ارجع افكره لغاية لما حسيت اني صعبت عليا نفسي
والله اني احبه لكن معرفش ليه مش بيتكلم كده
اتمنى تدعو لي عن ظهر قلب ان ربنا يجمع بيننا على خير عاجل غير آجل حتى لو نص السنة بس انا اللي اسافر مش هو اللي ينزل
معلش تقلت عليكم ومنتظرة ردودكم