بشخصية جوة وبشخصية برة ومش لاقية اللى يساعدنى

انا يا بنات مش عارفة احكى موضوعى ازاى بس هحاول وبليز محدش يقولى روحى لدكتور نفسانى لانى مش معايا فلوس تكفى انى اروح لدكتور نفسانى وياريت اى حد يعرف اى حد دارس علم نفس وممكن يساعدنى عالايميل يدينى ايميله عشان يساعدنى واللى ميعرفش فكفاية انكم تقولولى اقتراحاتكم ونصايحكم

وها هى ماساتى احكيها لكم


انا منذ وانا صغيرة وانا ماليش اى علاقة باهلى برغم الاستقرار الاسرى التام و يوجد حاجز نفسى كبير بينى وبين ماما وبابا فانا اخجل كثيرا منهم لدرجة انى اتكسف اقول لبابا حمد الله عالسلامة لما ييجى من السفر واتكسف اجلس معه ولا اتكلم معه خالص غير اجابات للاسئلة اللى بيقولهالى وانا هكذا مع جميع عائلتى وليس اسرتى فقط فانى معهم منطوية جدا ولا اتكلم الا نادرا

ولكن فى الجامعة واماكن الدراسة فانا شخصية اخرى تماما فانا اضحك والعب وكانى واحدة تانية خالص غير الاولى ولكن هذا الضحك واللعب يكون مع البنات فقط فانا بشخصيتى الاولى مع الاولاد فانا اخجل منهم مثل خجلى من ابى تماما وكذلك اخجل من كل الكبار فى السن فان الشخصية التانية هذه::تظهر مع البنات اللى فى سنى فقط ،،

ولا اعتبر شخصيتى المرحة هذه جيدة حيث اشعر انها مصطنعة وتافهة لانى لا استطيع ان اتكلم الا فى الهيافات ولا استطيع ان اتكلم بجدية و بلباقة كباقى المجتمع ولكن يكون الكلام كله تافه وهايف ومالوش لازمة واذا اخذ اصدقائى رايى فى شىء فانا لا استطيع ان اجاوبهم لانى افتقر الى حسن الكلام والاسلوب ولا استطيع التصرف الحسن ابدا واذا ذهبت الى اى مناسبة مثل العزاء فلا اعرف ماذا اقول لصديقتى ولا اعرف كيف اتصرف ولا افلح فى اى شىء


والمشكلة بقى انى//////

بدات اشعر بان الشخصية الاولى تلك بدات تدخل بشكل كبير فى شخصيتى حيث اعتقد انها اصبحت الشخصية الاساسية لى ولكن الشخصية التانية هى شخصية مصطنعة فقط

فماذا افعل يا بنات لكى استطيع التكلم مع الناس كلهم بدون خجل واحسن القول والتصرف والا اكون منطوية كما انا الان وتكون شخصيتى ثابتة و واحدة مع كل الناس ولا اخجل من الاولاد واكون اجتماعية لان مشكلة عدم التحدث مع الاولاد دى كارثة حيث انى اشعر اننى ساعنس بهذا السبب ارجوكم ساعدونى باى شىء تقدرون ان تفعلوه لى
ومحدش يقولى ابداى باهلك لان دى اصعب حاجة ممكن اعملها فهى شبه مستحيلة لذلك اريدكم ان تاخذونى من يدى واحدة واحدة حتى اكون مثلكم فانا محتاجة للى يفهمنى ويشدنى لفوق واللى يحس انه ممكن يتابعنى ودارس علم نفس كويس يبعتلى رسالة خاصة واللى ميعرفش فبليييييز ميبخلش بنصيحته لية فانا فى حاجة اليها