بشراكم بشراكم بحماده بشراكم

في البدايه حابه ابشركم بقدوم احلى الحلوين ( حماده ) اللهم لك الحمد والمنه ورزقني الله بره وصلاحه
اما قصة ولادتي فهي كالتالي
يوم الثلاثاء 8-8-1431 كان عندي موعد في المستشفى ولما رجعت نزلت عند اهلي اريح عندهم ولان بنتي كانت عندهم وفي العصر طلعت انا وزوجي عشان امشي وفي الطريق كان يضحك علي ويقول اليوم ماراح اخليك لين تولدين وصلنا للممشى بديت امشي بالعاده كنت اخذ لفه وحده بس اما هالمره اخذت لفه ونص يعني تقريبا ساعه ونص ورجعت لبيت اخذت شور ولما طلعت لقيته جايب ايسكريم واكلناه وطلع يصلي المغرب ويجيب بنتي من عند اهلي حسيت بطلق خفيف يروح ويجي وفي العشاء جهزت العشى وتعشينا وعلى الساعه 12 بدا الطلق معي مره ثانيه يجي ويروح بس اشد من اول بديت امشي في البيت حول ساعه او ساعه ونص وانا استغفر على الساعه 2 دخل زوجي ينام وجلست مع بنتي وانا طول الوقت فيني طلق بس مو مستمر على الساعه 3 نامت بنتي ونمت معاها الساعه 3 ونص صحيت ورحت بدخلها تنام في الغرفه الا حسيت بشي بنزل مني وامشيت الا خطويتين لانزلت علي المويه وبسرعه على دورات المياه وانتو بكرامه ولما تاكدت انها ولاده قمت وجمعت اغراض بنتي وطبعا شنطة المستشفى كنت مجهزتها من قبل وصحيت زوجي لصلاة الفجر وزفيت له بشرى ان الفرج قرب صلى وواخذت بنتي وديتها لاهلي ورحنا المستشفى وبعد الكشف قالت الرحم مفتوح 4سم على الساعه 8 نقلوني غرفة الولاده والساعه 11و9 دقائق شرف مولودي الغالي اللهم لك الحمد
الولاده كانت بمستشفى الحرس بالرياض
العنايه كانت جدا رائعه