باين عليج يا صيتوة منتى هينة وباينة عيارتج وشطانتج وبعدين يااليدى صيتة تبين تكوشين على كل شى الطينة الخفيفة والبشرة بعد اختارى وحدة منهم وصراحة مو مقياس فية وحدة اعرفها القرادة وراها وراها جنها مسوية معاها عقد احتكار وين ماطقتها عوجة مع ذالك تبارك الرحمن تعطينها اصغر من عمرها بعشر سنين وقلبها حار موت وتاكل نفسها بنفسا مع ذالك وين ماراحت تلفت الانتباة وكل الى بعمرها جنهم امهاتها صدقينى اللة عدل ياخذ من صوب ويعطى من صوب مافى احد ينقطع من كل شى وبعدين موكافى عليج هالطينة الى تجنن يمكن بنت عمج تتمنى انها تكون مثلج بس انتى ما تدرين أقولج شى احس انج عيارة وانشاءاللة تلقين الى يدللج ليمة تندبل جبدج وتقولين عوع بس واللة ما ابى

الله يبيض وجيهنا بنور الطاعه ويحرم بشرتنا على النار ويكتبنا من عباده الصالحين والمسلمين اجمعين قولو آمين

صااااااااااااااادقة
الحالة النفسية لها دور كبير
الاهل هم المسئولين انتي لاحظي اللي وجهه مرتاح وصافي مرتاح في بيته وعائلته ومنظمه حياته وماعنده منغصات ماليه ولا عائلية
حتى الصغار يبين مو الكبار بس

وانا اشهديالشيخة ان للسعادة رموس تبين على الوجه اجل ماقريتي في القران الكريم(ترى في وجوههم نظرة النعيم)
تلك النظرة الراكزة التي لا يشتت ثقلها رغبة اوحرمان او حزن نظرة متزنة في وجه مشر ق بالرضامن كل ماحوله ولذا ذكر الله ان النظرة في وجوههم بالرغم ان النظرة اساسا في العين ولكن كناية الى ان ليس فقط العين التي تشرق من النعيم وانما الوجه بكل مافيه عيون انف حواجب خدود جبين طبعا مافي تجاعيد الزعل يعني خطوط النكد اللي في الجبين وحوالين الفم مافي من كثر الوناسة
وسلامتكم

صحيح أختي السعاده ألها تأثير كبير على البشره حتى ألها تأثير على قلة التجاعيد وخاصتاً التجاعيد الموجوده بالجبهه لأن أذا كان الأنسان سعيد ومرتاح ومايصير عصبي تكون التجاعيد بالوجه قليله .....
وحتى سمعت أنو الأنسان أللي مرتاح نفسياً وسعيد يطول عمره
لأن السعاده سر من اسرار طول العمر