بشرة مرهقة

هلا بالشحوح.. نورتي المنتدى.. هلا بعضوه يديده.. حياج الله..

مشكلتج تقريبا نفس مشكلتي بس انا بشرتي دهنيه.. بس يوم انش من الرقاد وخاصه الصبح احس ان ويهي ما يتشاهد.. شكلي يكون مرهق..

سمعي..

1- اكثري من شرب الماي..
2- لعبي رياضه على الاقل نص ساعه.. وأحس شي يوم اتنشين من الرقاد وتتغسلين وعقب كل هذا حاولي اتسوين رياضه عشان تتنشطين.. وصدقيني بتحسين بلنشاط طول اليوم.. عودي جسمج على الحركه..
3- اكثري من اكل الخضروات والفواكه.. هذا له دور كبير في الجسم.. والويه..
4- سوي قناع لويهج..
والقناع المناسب لكل أنواع البشره وسهل اتحصلين عليه هو قناع الزبادي.. حطي في ويهج كل يوم ربع ساعه أو لين ما يجف.. واغسلي بالماء الدافي وبعدين الماي البارد.. وشوفي الفرق..

وانشاء الله أخواتج يساعدونج أكثر..

اختي الغاليه موضوعك ليس بالغريب بأمكانك تصفح المنتدى وستجدي العديد والعديد من الماسكات،، او وهذا ربما يرجع لروتينك الغير سليم وافتقار بشرتك للماسكات المنعشه والنظام اللذي ذكرته الأخت بنك روز جيد والمنتدى ملئ بالماسكات والله يعينك.

ماقصروا البنات

وهذا رابط ان شاء الله يفيدك

http://hawaaworld.com/vb/showthread.php?threadid=51015

تحياتي

كلي التفاح ياعمري والكمثرى
وادهني وجهك كل صبح بمكعب ثلج وهذا يعيد الحياه لبشرة الوجه
كمان سوي قناع من الفراوله المهروسه والحليب الطازج
وممكن النشا وماء الورد
وايضا ملعقة كريم مرطب مع بياض بيضه

ألف شكر أخواتي ويزاكم الله عني ألف خير وعسى عمركم طويل .