بشرتي الدهنيه صارت ملساء وصاااافيه و متوازنه .. مهم للبشرات المتعبه

مساء الخير

انا يا بنات بشرتي سيئه جدا .. دهنيه جدا جدا + مسامات متوسعه+ رؤوس سوداء وبيضاء + حب شباب برؤووس بيضاء مؤلمه + حبوب تحت الجلد تذبحني من الالم + حساسيه من الغبار والجو السيء

في احلى من كذا ؟؟

تعبت منها بشكل مو طبيعي و انا بحكم عيشتي بالشرقيه .. حر ورطوبه وعج و تلوث مو طبيعي و ضغط اعصاب مع الحياه واجهاد وسهر وسوء تغذيه


فا بشرتي بسرعه تتاثر باي عامل و تعبانه

و انا الان لي سنتين او اكثر بشويه من يوم تركت رواكيوتان و بشرة جسمي الحمدلله تحسنت و بشرة وجهي تحسنت بس مو بالدرجه اللي غيري يتحسنها


المهم بعد صراع مرير و تعب و اجهاد .. الحل السحري صار عندي الحمدلله .. بشرتي صارت اصفى وانقى و احلى و دهونها اقل



النظام اليومي :

اولا استخدم نظام كريمات صارم وهو كلينك الخطوات الثلاث ((لانكوم صار سيء و تغير اللاين حقهم فا طلقته بالثلاثه))

و النظام هو غسول + تونيك + كريم مرطب و اضيف له كريم العين ((ممكن تاخذين اي نظام يعجبك من اي مار كه تناسبك ))





ثانيا استخدم محلول مغلي قشور البرتقال والليمون (( قشر برتقالتين وليمونتين في كاس ونص مويه يغلي شوي ثم يترك ليبرد و يضرب بالخلاط ثم يصفى ويحفظ بالثلاجه))






ثالثا ديتول الاخضر






رابعا فرشاه تقشير الوجه اللي تجي كأنها مشط بيبي
هذي ممتازه بس الالكترونيه احلى بمليون مره





خامسا غسول معقم مثل نيوتروجينا







الصباح : اغسل بشرتي بالماء واجففها بدون اي صابون ..احط تونيك كلينك ثم واقي الشمس لو بطلع ثم المرطب للعين والوجه

العصر مسحه من تونيك قشور البرتقال

قبل النوم اغسل وجهي بالماء ثم اضع غسول نيوتروجينا و افركه كويس بيدي واعطيه شوية وقت عشان يتفاعل مع الاوساخ ثم اضع على الفرشاه غسول كلينك و ابتدي افرك فوق الغسول الاولاني و افرك وافرك ((قوة الفرك تعتمد على بشرتي ان كانت تحتاج تقشير قوي او لا لكن الاكيد انها راح تحتاج تقشير سطحي))

اغسل و احط مسحة ديتول الاخضر ثم استناه يجف ثم تونيك كلينك ثم الكريم المرطب للعين والوجه و ممكن تستبدلين كريم الترطيب بأكريتين او اي كريم علاجي طبي لو عندك مشكله بالبشره ..

بسسسسسسسسسسسسسسسسسسسسسسسسسسسسسسسسسسس





طبعا انا لو اني قرأت الكلام هذا بدون تجربه كان قلت صاحبة هالتجربه ما عندها مشاكل

لكن الحمدلله يارب لك الحمد .. انا رغم صعوبة بشرتي و سؤها قدرت اتعامل معاها واشيل الاثار المشوهه لبشرتي خلال اسبوعين تقريبا

برنامجي بسيط ولكن ياليتني اكتشفته قبل كذا



تقدرين تحطين كسرة مره بالديتول الاخضر لوجهك لكن انا ما حطيت لاني اكتفيت باللي عندي




++++++++++++++++++++++++++++++


نجي الحين لنقاط مهمه



اول شي لازم يكون عندك حديدة تنظيف المسام او قناع منقي للبشره ((الرؤوس السودا والبيضا)) وهذي الحبوب تطلع بسبب انسداد البشره و هنا تطلع فائده التقشير اليومي لانك تخلين الدهون تطلع من المسام بدون ما يعيقها شي

الحبوب الدهنيه اللي لها راس ابيض او تحت الجلد بدون راس و ملتهبه ومنتفخه حطي لها مسحة كحول الطبيه .. مرتين - ثلاثه - عشره باليوم
كل ما انقهرتي منها امسحيها بكحول

لان الالتهاب هو عباره عن فايروسات و البشره تحاصر الفايروس هذا بالدهون والسوائل عشان لا ينتشر بالجلد و يلتهب المكان اثناء الحرب هذي .. عشان جسمك يعلمك ان هنا في مشكله ..

و ضغطك على هالحبوب يخليك تضغطين الفايروسات اعمق بالبشره و تسوين مشاكل اكبر لها و هنا فايدة الديتول و التعقيم والتقشير الليلي باكريتين ((التقشير لما تطلع لك حبه من هالنوع تقدرين بعد تحطين اكريتين بس مكان الحبه هذي ))

و في حبوب مضاد حيوي تقدرين تاخذينه مره باليوم يخفف التهابات البشره و الاحمرار ((خصوصا لصاحبات البشره المتحسسه مثلي))


و من الاشياء المهمه تغيري كيس المخده باستمرار او على الاقل تحطي فازلين قبل النوم ((بعد ما تحطي كريماتك الليليه استني خمس دقايق بعدين فازلين)) لانه راح يعزل بشرتك عن المخده


لا تنسين ورا اذنك و منابت الشعر ...