ما انصحج بالتقشير بكل انواعه ..

انا صراحه يخوفني التقشير ..

لكن ..انا لي صديقه كان عندها حبوب واثار حبوب .. وقبل ماتتزوج راحت عند دكتوره شاطره واشتغلت عليها سنه كامله ..والحين مشالله على بشرتها تجنن صااااافيه ..لكن كلفتها هالشغله واايد ..
لكن لاحظي اشتغلت عليها سنه كامله .. يعني الحلول السريعه ما انصحج فيها ..

نصيحتي : دوري على حد شاطر .. ولا تستعجلين .. فالعجله ندااااامه..

الله يعييينج حبيبتي...

بس تدرين من كم قلت بحط موضوع عن تجربتي.....


انا قبل الزواج كانت بشرتي صااااااااااااااااااافيه وبيييييييييييضه...لكن لما تزوجت وتحديدا بعد سنه قعدت اراجع عشان احمل....وطبعا عندي لخبطه هرمونات والحبوب تطلع للي عندهم لخبطه... لحد ماتركت العلاج وماصار حمل....بس الحمدلله على كل حال....المهم بشرتي صار فيها بقع بشكل فضيييع.....وفي شهر رمضان....شفت البنات في منتدى ثاني يمدحون كريم ياباني وهو عباره عن مقشر.....مدته 10 ايام....كريم ليلي وكريم نهاري...وصابونه خاصه فيهم.....انا طلبتهم... وقلت بجربهم قبل العيد....المهم بديت فيه اول يوم ماحسيت بشي ثاني نفس الشي....ثالث يوم حسيت بحراره وزاادت الحراره واحمر وجهي وتقشر.....والله والله صارت بشرتي كان حد ضاربني خخخخخخ لان بشرتي بيضه وخدودي مليانه......

قلت خلاص مابكمل تعبت.....بس في الاخير كملت...لما وصلت لليوم العاشر...حسيييت بشرتي تغيرت قمت احط يوميا طبقه من النيفيا الزرقه.....قسما بالله كل الي شافني يقولي شو كريم الاساس الي حاطتنه وانا ماكنت حاطه اي شي........وللحين ماشاء الله بشرتي رووووعه ومن اسبوعييين خذت كريم اولاي..واحد ليلي والثاني نهاري.....احط من النهاري شوي الي نوعه بورق التوت البري... تحسيينه كانه كريم اساس واحط شويه بودره...والله الكل مستغرب من نظاره بشرتي...وللحين استخدم اولاي.....نصييحه نصيييحه اذا تخافين من التقشيير جربي اولاي بانتظام....لكن انا الفضل بالي صار لبشرتي الكريم المقشر.............


والسموووحه طولت عليكم...ومابي منكم الا الدعاء لي بالذريه الصالحه...لايغركم اسمي ام روعه ...روعه للحين مب راضيه تشرف:angry2:

اشربي موية كثير

مشكوره