بشرتي جافة وحساسة.. وش أستخدم أساس:سايل ولا بودرة مضغوطة؟

بشرتي جافة وحساسة.. وش أستخدم أساس:سايل ولا بودرة مضغوطة؟
هلا بنات ..

أنا قلت كل قصة حياتي بالعنوان
عني أستخدم الأساس االسايل من أريج... عندهم خبيرات تجميل على مستوى ... لكن قبل الأساس حطي كريم مرطب ... أنا مرة شفت وحده من زميلاتي دايما بشرتها مرة جاااااااااااااااااافة ولما تحط بودرة تبان أكثر أنها جافة.... وفي يوم شفت هذي البنت والا بشرتها ما شاء الله تقولين نضرة جدا وحلوه...سألتها شو مسوية في وجهك اليوم أشوفه محلو أكثر من أول...فقالت لي أنها حاطه كريم مرطب قبل المكياج فهو هذا اللي عطاها بشرة صافيه حلوه نضرة و تجنن.

بالنسبة لكريمات الإضاءة تحطينها آخر شيء بعد المكياج حوالي العين وعلى الجبهه تقريبا و تعطي إشراق للوجه وتقولين كأنك حاطه زيت على وجهك يخليه يلمع بطريقة تجنن مع أنك مش حاطة غير الإضاءة... و أيظا الإضاءة تحطينها تحت الحاجب مباشرة عشان تعطيكي منظر حلو يجنن للعين. (ها... قدرت أجاوب لك على شيء إن شاء الله؟ إدعي لي :))

بشرتك مثلي تقريبا جافه وحساسه

انصحك في اساس ماك انا استخدمت السائل وكان حلو وشفت نزلو اساس جديد كريمي بالفرشه توزعينه وفرشته معه روعه وناويه اخذه باذن الله

بخصوص كريمات الاضاءه والله للحين ماجربتها بس ناويه وان شاء الله اعرف استخدمها علشان تبان نتيجتها وان شاء الله انتي برضو يعلمونك البنات كيفيه استخدمها بطريقه الصحيحه :26:
..

.

كريم مرطب قبل الأساس

وما فيه مثل أساس ديور
تصير بشرتك زي الممثلات تبرق

وأنا مجربة كل الماركات من شانيل وكلارنس ولانكوم و جفنشي وأفون وسان لوران وكلينك و سماتش بوكس ووووما خليت شي
وديور في القمة

ثم لمسة بودرة بعد الأساس

هلا والله ..

استعملي مرطب .. واثبتي عليه لما تتعود بشرتك و تترطب صح ..لا تغيرين كل شوي
وانتي وجهك حساس ..

المهم ...
بعد الكريم استعملي اساس كريمي شوي ,, يعني سائل بس من النوع الكريمي ..لان بعضهم يخلونه باودري وهذا بيجفف وجهك اكثر ..

والبودره استعملي البودره الحره( loose powder ) بفرشه .. يكفي ..
لا تستعملين مضغوووط ابدا ..
عندك بودرة هيلينا روبنستاين الجديده ... مره ناعمه وتنور البشره ...

الاضائه تلقينها بشركات عديده ... لا تدققين كثير كلها نفس المفعول تقريبا ..
بس حطيها اعلى خدودك ... يعني تحت العيون ..
و فوق الانف .. على الذقن .. و على جوانب الجبين .. بيلمعلك وجهك و يخليه منور و مهو جاف ...

وانا عندي زياده غير جافه وحساسه

اني اذا حطيت كريم اساس يطلع مقشر معي

على اني احط قبله مرطبات وحتى فازلين ولا نفع

يقشر معي لين نفسي عافت الكريم الاساس