مرحبا اختي
انا كنت اعاني من نفس مشكلتج لفتره طويله ... ماخليت شي ماجربته
والحمدلله من فتره بسيطه لقيت الحل ...
شوفي يالغاليه
انتي تقولين انج مهتمه ببشرتج .. وهذا شي حلو ... يعني اكيد تنظفين ويهج باستمرار وهالشي يساعد على عدم تراكم الدهون
الخطوه الثانيه تجي في اختيار الاساس
انا انصحج من تجربتي انج تستخدمين كريم اساس كينبو ... روحي عندهم وقوليلهم ابي اساس للبشره الدهنيه .. وتحملي تاخذين شي افتج من بشرتج ... انا ماسبب لي هالمشكله الا الالوان الفاتحه لان بشرتي نفسج حنطيه
ويكون الاساس سائل في غرشه طواليه طولها يمكن 6 سم وغطاها ذهبي باهت
بعد ماتحطين كريم الاساس السائل ... بامكانج تستخدمين كونسيلر اذا كان عندج بقع .. انصحج بكونسيلر ماك الي يجي على شكل روج ويكون كريمي شوي
واذا وجهج مايحتاج كونسيلر مب لازم ...
والخطوه الثالثه اهي البودره المضغوطه ... عند كينبو بعد بتلاقين بودره عجيبه وتغطيتها حلوه ... انتي اختاري البودره الي الوانها بالدرجات الترابيه او المات على قولتهم .. وابتعدي عن البودره الي تجي على لون وردي ... انا كنت استخدم الي على وردي قبل وبعد ماغيرتها بان فرق واضح ...
وبعد ماتوزعينه بقولج سر حلو .. توني من فتره بسيطه استخدمه
روحي محلات سيفورا .. وشوفي ماركة كارجو .. عندهم بودره تنحط بعد ماتخلصين مكياج ... في منها 3 درجات .. تكون في علبه مدوره فضيه ... حلووووووووه وتناسب لون بشترنا وتعطي لمعه خفيفه وتخلي الوجه مخملي
وان شاء الله تنحل مشكلتج لان صج تعذيب الاساس .. وصعب جدا خاصه على الحنطيات ان يضبطون اللون <<<< صج معاناه
واهم شي اختي انج دايما تختارين الوان المات مثل ما قلتلج وقوليلي عن النتيجه ..
و بالتوفيق عزيزتي :)
الصفحة الأخيرة
وجربت كريم الاساس اكثر من 3 انواع ومن احسن الماركات
ايف يان لوران و فور ايفر وماك وديور وحطيت قبل بيز وجربت ديركول و تيود والحين استخدم سمر كي رغم اني عارفه مضارها لكن ما لقيت زيها تعمل للوجه تغطية كامله
واستخدم كريم التفتيح فير اند لفلي 3 شهور يمكن فتحت درجه او درجتين وش رايكم في هالبشره
ساعدوني