بشرتي متعبتني

وعليكم السلام

ما اقدر اساعدك إلا بشوية معلومات مرت علي وجربتها

من خلال كلامك استعملتي نشاء الذرة يسبب حبوب لبعض الناس ﻷنه يسمح بنمو بيئة للبكتيريا- اﻷفضل وقفيه

ماء الورد ممكن يسبب حساسية لبعض الناس وحكه - اﻷفضل وقفيه

لبن بودرة ما انصحك فيه لو كان طازج ما احبه ولو كان بودرة مُصنع ضايفين له دهون ممكن تهيج بشرتك


الخلطة الصابونية ما ذكرتي مكوناتها ؟ الصوابين كلها ضاره خاصه وإنك تعانين من بداية خطوط فهذي تخليها تتفاقم أكثر أخاف إنك خالطة أكثر من صابونة ؟


أهم شي ابحثي عن "Comedogenic Ratings - تقييم المواد التي تسد المسام" بتلقين قائمة طويلة في أي موقع يوضح لك درجة 1 من 5 لكل مادة أو زيت ممكن يكون آمن أو يسبب تهيج للبشرة احمرار وحكة وحبوب. انسخيه وحطيه في ملف نصي ورتبيه وكل ما عجبك كريم اكتبي اسمه وروحي انسخي مكوناته من اي موقع أجنبي وإلصقيه في الملف النصي واضغطي من لوحة المفاتيح ctrl+F والصقي فيه كل مكون حبه حبه إذا طلع موجود بالقائمة اتركيه. فيه مواقع يقولون لو كان المادة المهيجة موجودة في أول سبع مكونات على العلبة اتركوه وأما إذا كانت بآخر المكونات عادي ﻷنها بتكون نسبتها قليلة. فيراندلفلي أسوأ كريم بالسوق وش لك فيه وقفيه

شخصياً اتبع هاﻷسلوب إلى أن وصلت لمرحلة ما لقيت ولا كريم آمن ونظيف كلها تهيج على المدى البعيد سواء طبي أو تجاري

شوفي مثال زي مثلاً هالكريم من qv عجبني عشان اختي بس اشوي إني رجعت ابحث عن محتوياته اللي لقيته مخرب عليه هو النعناع يعدم البشرة عدااااام حفر وحبوب وفيه ستريل الكحول يسد المسام

هذا سويته من فتره في ملف نصي لا يخدعونك الشركات انتبهي حتى لو كانت طبية

يا رباااااه ردي طلع طويل وتوني ما دخلت بالزبدة :(

بقولك بسرعه استعملت زيت الزيتون والصبار الطبيعي وجهي بعدهاتحت العيون بالتحديد صارت متماسكة عند الضحك ولله الحمد

هذا تقييم المادتين من ناحية تهييج البشرة

- زيت الزيتون أخذ 2 من 5 من ناحية سد المسام ، أنا مرات يهيج وجهي ويطلع حبوب تحت الجلد ومرات لا فخليته للعيون (استعملته سنة كاملة على ما اذكر)، وفيه أجانب يقولون المفروض ينحط خمس دقايق أو عشر دقايق على كل الوجه ﻷنه حار وبعدين تمسحينه بفوطة مبلولة بماء دافي عشان تشيلين الفايض زي طريقة "الكريم البارد" للتنظيف اللي يستعلمونه الكبار زمان.

- الصبار ألوفيرا أخذ 0 من 5 الحمد لله ما يهيج ، حطيته على وجهي قبل النوم وخليته ينشف وبعده حطيت فوقه مسحة زيت زيتون خفيفة جدا جداً جداً (استعملته شهرين أو شهر مب متذكره) وجهي تقشر وطلع قشور رهيبة بعدها لاحظت عيوني تحسنت مع الوقت الحمد لله.

بالنسبة للأكل كنت بهالفترة حريصة على شرب الحلبة المنقوعه مع البذور والدخن الكامل والقمح الكامل والتمر والرطب بموسمه ومنقوع الزبيب الأسود اليمني


هذه اقتباسات من المنتدى عن الزيتون والصبار اتمنى يفيدونك مخزنتها عندي عشان اتطمن للخلطات إذا لقيت حريم كبار مجربينها خخخخخ على فكره انا بالثلاينات 😽

هذي وحده بالخمسين استعملت صبر وفازلين


https://www.hawaaworld.com/showpost.php?p=51248610...


^

تعقيباً على الرابط فوق ﻹراحة ضميري خخخخ (ترى كثير سمعت إن كبار السن بشراتهم تهبل سواء هنا أو برا ﻷنهم يستعملون فازلين أنا مره متخوفه منه مدري ليش بس قرأت وحده أجنبية تقول أبوها كان يشتغل ميكانيكي طيارات وكان يجي البيت شعره ووجه زيت بس شكله نظيف مع كذا ومع الوقت كبر وصار بالستين ووجه ما فيه خطوط وشعره أسود عكس أمها اللي تعقدت منه ﻷنه طالع أصغر منها خخخخ بس في النهاية مات بسرطان الرئة بدور رابط قصتها إذا لقيته، وفيه وحده هنا بالمنتدى استعملت صبر مع زيت زيتون مثلي وحصلت على نتيجة ممتازة بس هي نقعتها بالزيت وأنا لا سويته على شكل طبقات ونمت فيه)



https://www.hawaaworld.com/showpost.php?p=9505937&...




فيه بعد روابط عن زيت الزيتون بس ألقاه احطها لك الله يعينك علي ههههه


شوفي هذا عن أكل الفجل ترى الكوريين مدمنين عليه وبشرتهم تهبل

https://www.hawaaworld.com/showpost.php?p=51248066...

نسيت انبهك لا تستعملين حاجات ثانيه خاصة الزبادي انحاشي عنه

أنا كنت على خلطتي اللي فوق ومتهنيه بفضل الله وكرمه بس الطمع شين تلقفت وحطيت زبادي وشوية خرابيط خلطات حول فمي وعلى بالي بجيب الذيب من ذيله وكان وقتها المنطقة ما فيها شي سليمه وبعدها طلع لي تجاعيد إذا جيت اتكلم وانا استعملتها وقتها اسبوع أو اسبوعين ولقيت كثير سبب لهم الزبادي تجاعيد انتبهي تخربطين خلك على خلطة وحده لمدة سنة والزيت ينحط يوم إيه ويوم لا والصبار ينحط مرتين باﻷسبوع هذي طريقتي وموفقه يا رب