مساء الورد ..

قبل ما أبدا كلامي أختي ~ سنتيوريتا~ ..

أنتي مشكلتك الوحيدة انك تشوفين الجانب المظلم من حياتك ....

أختي ... كل هالمشاكل حلها بإذن الله سريع .. بس لا تتذمرين بهالطريقة

وثقي في نفسك وخلي حياتك وردية ...

احمدي ربي على زوجك وان الله رزقك أولاد .. في بنات كثير كبر عمرك لا زواج ولا أولاد

والوحدة ما كلتهم ...يعني شوفي ان مشكلتك صغيرة وسط مشاكل بنات غيرك ..

وبكذا بتحمدين ربي على النعمة ...

الشي الثاني ..

آجا وسلمى ..اسم جبل مشهور في السعودية أشهرمن نار على علم ...

ثالث شي ...

تمرين القرفصاء .. هذا انا منزلتة بموضوعي ...

وقلت بحط لك الصورة هنا يمكن ما عندك وقت تشوفينة .. علشان يصير اسهل عليك شرح
أختي آجا وسلمى الله يبارك فيها ...



موضوعي وفية تمارين ثانية


أتمنى أكون أفدتك ....... وما أبي الا خالص دعاك ..

موفقة

سمى الشوق
بعد قلبي والله.. الله يريح قلبك و بالك.. اولا اشكرك من كل قلبي لتوضيح معنى الاسم.. :26:
ثانيا..ياااااااابعد قلبي الله يوفقك.. ساعدتيني... هاااا ~ سنتيوريتا~ لا تقولين بعد ما فهمتي.. ترى اذبحك ههههههههههه...وسمى ابي اقول لك اني ادعي للي كتبت هالتمرين مع اني ما اذكر الاسم ان الله يوفقها و يرزقها و ينولها اللي في بالها..
:26:

أهلأ حبيتى انا بصراحه تفاعلت جدأمع موضوعك وشلت همك وأدرى أن البنات ماشاء الله مايقصرون معك ولامع غيرك وأنشاللهتكونين أستفدتى من برامجهم الحلوه ولله ينفع فيها 0 ونصيحه لك خالصه لوجه لله 0 1- عليك بالدعاء ثم الدعاء ثم الدعاء لان كل شى بيده سبحانه مغير الأحوال الدعاء بالتوفيق ولسخره وأيصلح أمرك ويصلح أولادك 00000 وأنت أخبرمنى 2- أبعدى عنك الهم والغم والتفكير الزايد لانك أم 33 يعنى موكبيره ومن كلامك انك كنك عجوز هذا من الهم لانه يكبر الحرمه يخلى الى عمرها30 كانها ام 40 حتى الصغيره أم 15 كانها ام 25 وهذا واضح فى كثيرمن النساء 0 3-خلى عنك الحياء (أقصد الحياءالزايد ) الان الحياء المعقول مطلوب فى المرأه وتفتحى على الدنيا ولاتحقرين نفسك أمام زوجك عشان يحس أنك واثقه من نفسك ويحسب لك حساب ويحترمك 0 4-وأرجو أنك ما تعتبرنها لقافه ولكن من باب النصيحه وأنى شلت همك ومن وجهه نظرى أنك ما تفكرين فى الأنجاب مع زوجك الثانى الابعد ماتتأكدين من هدفه من زواجك ومن محبه لك وأحترامه لك وعيالك لانه أذا حبك حب عياك اوعلى لاقل مراعاه شعورهم 0 لان هذه التجربه الثانيه وما أبغاك تبلشين فيها وتزيد همومك 0 وأسفه أذا طولت عليك أوضايقتك بكلامى ولكن أعوا لك بالتوفيق وأن يعوضعك خيرأ فى زوجك وأولأدك ويجعلها فاتحه خيرألك أنه على كل شئ قدير

هلا والله اختي
والله عورتي قلبي على كلامج
بس ان شاء الله كل شي ينحل
شوفي اول شي لازم تسوين من غير تفكير
انج تدخلين نادي صحي وتمارسين المشي والسبااااااااااااحة
ماتتخيلين شنو فوائد السباحة عالجسم
تشده وتنسقه وتعدله وكل شي
والمشي ماكو اسهل منه
وانصحج تشترين جهاز اوربت ترك من شركة ثان دايركت كله يحوطن دعايته بالاوربت
موطبيعي ينسق الجسم بشكل فظيع ثانيا يقعد معاج طول عمرج
والبنات كاتبين عنه مواضيع شطولها كلهم يمدحون فيه
عالاقل حتى لو ماعندج وقت تسوين رياضة بالنادي او تطلعين تمشين
استخدمي هالجهاز ربع ساعة يوميا وشوفي الفرق على جسمج
يشد المؤخرة والارداف والبطن والصدر والذراعين وينحف وكل شي يسوي
يعني اهم شي السباحة وهالجهاز

ثانيا لازم الحين كللللللل اسبوع تسوين حمام مغربي
لاتقولين ماعندي وقت لازم تسوين لانه يغير الجسم
اسبوع بعد اسبوع بتشوفين الفرق في ملمس البشرة واللون وحتى تحسين بشرتج انظف وتلمع
عندج طريقة شالسالفة اذا مالج خلق تروحين صالون سوي طريقتها بالبيت
بس لازم كل اسبوع طيعيني ماتندمين
http://forum.hawaaworld.com/showthread.php?threadid=210176

وهم الاخت شالسالفة عندها مواضيع خلطات حلوة والبنات يمدحونها

وانصحج كل يوم بالليل دهني جسمج بالجلسرين والليمون ترى عجييييييييييب
تجيبين كميات متساوية من الجلسرين السائل من الحواي وتخلطينه مع نفس الكمية عصير ليمون
وتدهني فيه باللي ونامي والصبح غسليه وان شاء الله السواد كله بيخف ويتوحد لون جسمج
وفي طريقة حلوة تساعد على التبييض
اخذي بطاطا نية وقشريها واعصريها بعصارة الجزر
واخذي العصير وخلطيه مع عصير ليمونه او ليمونتين
وتدهني فيه من فوق لي تحت وخليه ينشف عالجسم وفوقه حطي خلطة الجلسرين والليمون ونامي
البطاط معروف يفتح الجسم عدل
حتى اذا عندج هالات تحت العين
قطعي بطاطا شرايح مدورة وحطيها بالثلاجة عشان تصير باردة بعدين حطيها على عيونج 20 دقيقة وكل ماتصير دافية غيريها وحطي باردة
كل يوم سويها وان شاء الله تتفاجئين بالنتيجة
وانا بعد حاطة بتوقيعي طريقة حلوة للعرايس هم فيها بطاط حاولي تجربينها وان شاء الله تنفعج

نجي للبشرة
اول شي لازم تسوينه تروحين لمركز تجميل وتشترين برنامج كامل من ماركة جيرلان او لابريري
هالماركتين صاروخ
انا اقول لابريري تنفعلج لانها تنفع من سن 30 وطالع مخصصه للمشاكل اللي تعاني منها هالبشرة
عندهم برنامج جديد لتجديد البشرة فيه حبيبات الماس تخيلي
بس شنو ممتاااااااااز وفعال
عموما هالماركة كل شي فيها حلو
وعندج كريم الكافيار لاتستغنين عنه
وترى غالي هم من ماركة لابريري
بس عجييييييييييب تصير بشرتج شي ثاني
يعني اذا استخدمتيه الحين على مايجي العرس الا انتي منورة
وعندج برنامج التبييض مال جيرلان هذا ماكو ماركة تصك عليه
اخذي منهم اهم شي الامبولات اللي يصيرون 14 حبة بعلبة وحدة
ترى غاليين بالكويت 45 دينار تقريبا
بس ممتازين
تستعملينهم قبل عرسج بحيث تكون اخر امبولة بيوم عرسج وشوفي شلون بتصير بشرتج متماسكة وبيضا وصافية وتلق
واسألي مجرب
اي ونسيت اشتري كريم الكافيار مال العين من لابريري ترى هم ممتاز
ترى كريمات لابريري غالية نوعا ما بس ترى فعااااااااااالة وممتاااااااااااااااازة
وترجع شباب تحسين في فرق ببشرتج وتماسكها ولونها


بالنسبة للشعر عليج بالخلطات الطبيعية وروحي الصالون كل اسبوع حق حمام زيت
بقولج عن طريقة زيت طبيعي للشعر جربتها 3 اسابيع وحسيت بتحسن كبييييييييييير بشعري من ناحية النعومة واللمعة والكثافه
جيبي علبة زيت باراشوت وعلبة زيت املا اللي من غير ريحة مكتوب عليه ريحته حلوة او معطر او شي حتى مكوناته فيها زيت زيتون وحنا وشي بعد مادر شنو
المهم وجيبي كأس زيت عافية وكأس زيت خروع
واخذي قشر موزة بس القشر لانه يحتوي على فيتامينات وبوتاسيوم
وحطيه مع الزيوت وخليهم بالشمس 4 ايام
بعدها حطيهم مع بعض بالخلاط وضيفيلهم 3 ملاعق كبيرة من رماد نوى التمر
يعني تاخذين نوى التمر تجمعينه وتحمصينه مثل البن وتطحنينه حتى ريته بتصير مثل البن
وتاخذين 3 ملاعق منه وتحطينهم بالزيت
واستعمليه يوميا
اولا هالزيت مافيه ريحة خايسة اللي تضايقج وتضايق زوجج
وثانيا فيه مونات تحيي الشعر وتخليه ينبت ويطول ويتسنع
وترى هالوصفة ماعطيتها احد الا وشكروني عليها
ولاتنسين ترجين العلبة قبل لاتستعملينها وخلي الزيت يتغلغل بالجذور
اذا قدرتي تنامين فيه زين
اذا مالج خلق تنامين فيه
حطيه 4 ساعات وغسلي
وحاولي بهالفترة ماتستعملين سشوار عشان لايتقطع الشعر ويحترق
وكل شهر قصي من شعرج شوي لانه الشعر التالف يمص عافية الشعر الصحي

وان شاء الله ان تذكرت شي بعد برجعلج :26:

الف مبروك يالغالية والفال للكل