هلا والله سنيوريتا
بالنسبة للموز من غير ماتجففينه مثل ماهو اصفر

وان شاء الله تشترين مجموعة لابريري للعناية وتشوفين الفرق
بس ترى كريم الكافيار في ب 80 دينرا كويتي تقريبا 240 دولار
وفيه اللي تركيزه اقل 24 دينر كويتي تقريبا 72 دولار
بس انتي اعتقد يبيلج المركز الغالي عشان يرمم بشرتج اسرع ويغذيها
هالكريم بلندن الاجنبيات من كثر ماهم ميتين عليه
اذا ماقدرت الوحدة تشتريه
تتحاطط ويا رفيجاتها ويشترون علبه لهم كلهم تخيلي
ان شاء الله تطلع بشرتج وردة يارب بعد ماتستعملينه :26:

:26: كويتية@أمورة@ :26:

حبيبتي الغاليه الامورة القمر الكويتيه الامورة

* * ماشاءالله عليج والله وعلى سعة صدرج .. الله يوفقج وينور صدرج اكثر واكثر ويزيدج من نوره ..

* * حبيبتي شورج وهداية الله انا باشتري هالكريم المركز اللي من لابريري ..
اسمع عن هالماركه انها مممتازة من اكثر من وحده بس عيبها انها غاليه ..

* * حبيبتي انتي قلتي لي عن جهاز الاوربت ترك ؟؟
وين الموضوع ماعرفت الاقيه .. حبيبتي عندج له صورة اشوفه واشتري مثله ؟

وماقصرتي حبوبه وسلمتي من كل شر ..


*********************************************************

:26: حبيبتي النويرة :26:

غاليتي مشكوره على تفاعلج معاي .. والله انتي اللي روعه وحبوبه يكفيني طيبه قلبج ..

** تعالي باقولج ... عقب العلاج بالماء وبعد ما غصبت عمري قدرت اشرب 4 كاسات اول ماقمت الصبح اليوم ، 3 ورا بعض والكاس الرابع بعد نص ساعه .. عاد انا انبسطت على السالفه .. قبل الغدا بعد شربت كاس ماي
وعقب الغدا بساعتين بعد كاس .. وبسسس عقب ماقدرت اشرب ماي احس اني طفحت ماي . .. بس صج احسه نظف جسمي .. الله يريحج دنيا وآخره ويزيل عنج كل همومج وغمومج ..
يله انشاءالله اقدر استمر علي هالطريقه ..

** تصدقين عاد هالبنت * كويتيه امورة * تدخل القلب على طول ..
ماشاءالله عليها قلبها صافي مع الكل وتحب ترد وتساعد كل البنات .. الله يجزيها كل خير ويبعد عنها شر الحاسدين ويسعدها دنيا وآخره ..
اغلب البنات هني روعه ماشاءالله عليهم ..انتي اولهم ..

** تقولين طعم زيت حبة البركه مو حلو .. الله يعيني على الطعـــــــــــم .. حد جرب زيت وحليب ؟؟ تعالي هذول شلون يذوبون مع بعض .. ؟ المهم اني باروح ادور على هالزيت وباحطه في اللسته اللي انا مسويته وباروح الصيدليه و السوبر ماركت والعطار وبتوكل على الله ..

** الزبيب انا عيالي يحبون ياكلونه نيء .. باجيبه وباكله معاهم واحنا نشوف التلفزيون ..

** مشكوووووووورة النويره حبيبتي والله انتي ..
سلمتي على التواصل .. وسلمتي من كل شر ..
ودمتي لهلج سالمه غانمه .. نولج ربي مرادج .. ورزقج من كل خير ربي منزله ..
وغفر لج ربي ولي ولجميع المسلمين .. وزادنا الله من نوره ومن بركته وهداه ..

هلا والله سنيوريتا
مشكورة على ردج الحلو ماقصرتي
وانا حاضرة حبيبتي لاي خدمة
وجهاز الاوربت ترك بدور الموقع مالهم واحطه لج
ولا يصير خاطرج الا طيب


النويرة
مشكورة يابعد عمري عالتنبيه
:26:

حبيبتي ادخلي على هالموقع
ThaneTV.com
وبتلقين الجهاز اسمه
Orbitrek

وبنفس الموقع تحصلين رقم بلدج عشان تطلبينه
روحي حق هالصفحة
http://www.thanetv.com/distributors.php
تلقين رقم كل الدول
وصدقيني هالجهاز ماراح تندمين انج شريتيه

حبيبتي تذكرت شغله وجيت طيران اقولج عنها
في نوع فيتامينات للي بسنج واللي اكل عليهم الدهر وشرب وتمضمض خخخخخخخخخ جني سبيتج!!
لا والله صج هالفيتامينات ببريطانيا وامريكا خذت المركز الاول وطق مطاقق عليها
تعدل البشرة والجسم
تصوري انها تشد الجسم لانها تغذيه من الداخل وتوخر اثار التجاعيد لانها تعيد بناء البشرة وتجدد الخلايا
صدقيني هالحبوب تقلب بشرتج فوق تحت وصارت عليها ضجه من كثر ماذاع صيتها باوروبا وامريكا
اسمها ايميدين Imedeen
دوريها بالصيدليات لازم تاخذينها من الحين هم بيعلمونج الطريقة وانا متأكدة بتدعيلي لاني علمتج عليها
بس اذا عندج حساسية من الطعام البحري مايصير تستخدمينها
يعني اذا عندج حساسية من السمك والربيان وهالسوالف ماتصلحلج
هذي صورة العلبة

روحي اقرب صيدلية واشتريها هي مدة الكورس اعتقد 3 شهور بس بعد هالمدة بتشوفين بشرة جديدة تماما وجسم مشدود وبيساعدج جهاز اوربت ترك اللي قلتلج عنه والرياضة ووصفات البنات والكريمات اللي بتشترينها
وتكفين اذا نفعوج ادعيلي دعوة حلوة :26: