بشرناهم تدرون وش صار أدخلوا واقروا

بنات طبعاً الدورة اتاخرت ولها اربع ايام ماشرفت ولله الحمد واعصابي منحرقة حامل ولا لا حامل ولا لا
المهم اليوم ماقدرت انام زين من كثر مافكر قمت وقعدت الف بيت اهل زوجي مالقيت غير اخت زوجي جلست معاها ابي انسى
وشوي ويجي اخو زوجي صغير بالابتدائي وارسله للصيدلية وجبت الفحص وركض افحص وطلع خطين جمدت اعصابي مسكت الجوال ابي اتصل على امي بس ماردت
بعدين دخلت عند اخت زوجي وماسكه نفسي مابي اقولها لما اتاكد بس ماقدرت وقلتلها قعدت تتنافض من الفرحة من الدهشة المهم قلتله لاتعلمين احد لما اخذ فحص دم واتاكد قالت وش تستنين الحين قومي
طبعاً كان زوجي نايم وتصدقون انا كنت ابي اروح للمستشفى بس مو معاه خفت يطلع مافيه حمل واتفشل
والحمدلله جاب لنا الله ولد اخوه ورحنا للمستوصف وسويت الفحص ويوم طلعت النتيجة واكدت اللممرضة اني حامل قعدت ابكي انا واخت زوجي بالمستشفى لدرجة جاء الدكتور وقال لي هي زعلانة
طبعاً الحمدلله سجدت سجود شكر من بعد التحليل المنزلي على طول
ولما دخلت البيت قلت لخالتي الدورة ماجتني ورحت فحصت وقالوا لي حامل اندهشت وخمتني وقعدت تبكي وسجدت سجود شكر
اما الزوج العزيز دخلت وكان بالصالة وعطيته الورقة وقلت شوف الي تقول ماتحمل يا بعد عمري اندهش مو داري وش السالفة انا طلعت على طول ابي اتصل على امي ابشرها قالت امي تكذبين غير كلموها خوات زوجي واكدوا لها سكرت التلفون وهي تقول خلاص زين
ورحت لزوجي ماقال شي بس لما جت خالتي تبارك له خمته وقعدت تبكي وبكى معاها
لا ولا اخوي اتصل علي يقول والله من الفرحة احس ان انا الحامل
وابوي جاب لاهلي علبة ماكنتوش
تعالوا مصدقين ان امي سكرت وخلاص بعد ماسكرت التلفون قعدت تبكي من شدة الفرحة وتبشر مع اني انا مابقيت احد
والله العضيم حسيت اني ملكة اليوم بالدلع والزف من الصغير والكبير والولد والبنت
ويارب ان كل وحدة بمنتدى حواء تحس بهالاحساس عاجلاً غير أجل
اللهم آآآآآآآآآآآآآآآآآآآآآ آمين