بشره صافيه بس يبيلك وقت وصبر عليها!

السلام عليكم ورحمه الله وبركاته
هلا خواتي شلونكم وشخباركم من زمــــــــــــــــــــــــــــــــان عنكم
اشتقت لكم انا كنت مغادره البلاد وتو رجعت
اعذروني اذا طولت على احد منكم..
المهم بقولكم قصتي اللي صارتلي قبل رمضان باسبوعين
طلع بوجهي حبوب غريبه منها صغيره ولونها احمر ومنها كبيره ولونها ابيض
المهم ماراح تصدقون والله نفسيتي تعبت منها تركت كل شي كنت اسعمله من اقنعه وكريمات وقلت بخليها على طبيعتها وبشوف النتيجه وهذي كانت نصيحه خواتي المهم النتيجه كانت مرضيه نوعا ما
بس انا كنت اطمح لبشره افضل من كذا
رحت للصيدليه بعد ماضاقت الدنيا فيني واشتريت كريم كانت وحده من الزميلات قالتلي عنه بس ماهتميت ولا فكرت اني في يوم راح اشتريه لان بشرتي كانت زينه
اشتريته وهني كانت نقطه التحول عندي استعملته على وجهي كل يوم من نص شهر شعبان لحد يومنا هذا



وش اقولكم والله اني قعدت ادعي لهالزميله الله يذكرها بالخير
فعلا كريم سحري
انا اعترف اني غامرت مغامره قويه
لان هالكريم لازم بوصفه طبيه بس الحمدلله بشرتي تحسنت ميه وثمانين درجه الحين باقي اثار خفيفه بس واذا حطيت كريم الاساس تروح
بس طبعا انا ماوقفت لهني اكيد راح اكمل واعالج هالاثار
المهم اكيد انا راح اقولكم عليه
بس بعد البريك؟؟؟؟؟؟



















ههههههه....صدقتم وش بريكه خوذوا اسم الكريم..
كريم اكرتين.. هو كريم مقشر ومبيض
اول3اسابيع بيتقشر الحبوب والوجه وراح يطلع احمرار كانك مكفوخه وراح يصير وجهك شديد الجفاف بس لا تخافين كله راح يروح
وطبعا لازم تقرين الورقه اللي فيه ولا تستخدمين المكياج ولا تطلعين بالشمس.
وان شاءالله مايضركم...