ندخل في الموضوع على طول حبيباتي
دايما اسوي تنظيف بشره والعب في الماسكات والحمد الله بشرتي صافيه ونضره
بس حواء دايما تطلع للأحسن والاحلى
وسويت جلسة تنظيف بشره مثل العاده وغيرت الماسك هالمره
ومن النتايج اللي شفتها
بشره نظيفه
فاتحه
صافيه
نضره
تلمع
نتايجها روعه لازم كل وحده تشوفها على بشرتها وتحكمون
وهذي الخطوات1-
غسلي بشرتج بماء بارد
2- فركي بشرتج بسنفرة المشمش ( من تجاربي سنفرة الهملايا)
.. بعدها غسلي بماء دافي
3- ضعي ميلك لوسيون على كامل البشره والرقبه(مثل ميلك نيفيا فيزاج
او بودي شوب
.. اخر مره استعملت ميلك من الهملايا روعه)
deep cleansing milk himalaya
بعد ما حطيتي الميلك دلكي بشرتج فيه بواسطة الاصابع بحركات دائريه وحتى تحت العيون والرقبه وظلي دلكي الا ان تشوفين الميلك خف .. بعدها مسحيه بواسطة قطنه
4- هاتي قطنه وبلليها بالتونيك( استخدمت تونيك الهملايا gentle refreshing toner
.. وفي بعد تونيك من بودي شوب وايد حلو)
ومسحي فيه بشرتج بالكامل
5- الحين الماسك.. هاتي جبنة كيري وحده + كاكاو سائل(نوتيلا مثلا)
اول شي بواسطة الملعقه ذوبيها الى ان تصير عجينه.. بعدين زيديها كاكاو السائل وامزجيهم عدل بواسطة الملعقه الى ان تصير معاج عجينه.. وافرديها على بشرتج.. خليها 10 دقايق او 15 دقيقه.. وبعدين غسلي بماء دافي
6- وانتي رايحه تغسلين الماسك اخذي معاج هذا المزيج (حليب سائل+ سكر)
واخليطهم عدل الى ان يذوب السكر .. لما تغسلين بشرتج من الماسك غمسي بقطنه وحطي هذا السائل على بشرتج ورقبتج وشفايفج.. خليه لين ينشف بعدها غسليه بماء دافي
7- الحين نشفي بشرتج .. ورطبيها بواسطة مرطب دوف او زيت بيبي جونسن للترطيب روعه
مو شرط تلتزمين بالماركات اللي قلتها .. يعني اي توينك انتي تستعملينه واي ميلك انتي متعوده عليهم وشايفه نتيجتهم حلوه
يعني اللي كتبتهم مجرد اقتراحات بحكم تجاربي
ملاحظه : لا تسوين هذي الخطوات وتطلعين بالشمس الاحسن قبل لا تناميناو بوقت تكونين فيه بالبيت ما راح تطلعين
بعد هذي الخطوات راح تشوفين بشرتج نظيفه وفاتحه ونضره وتلمع
جربوا وراح تدعولي:26: