اكشن الولاده
انا في يوم الاحد سويت اشعه عشان قالت لي وزن baby كبير
المهم الاثنين رحت لها كنت باخذ شنطت الولاده معايه وترددت وخليتها في البيت وانا الولاده المفروض ١٩ ابريل على حساب الدوره وكانت معايه الالام وصابره
وحساب السونار ٢٤ والدكتوره ٢٦
والاحد ٢٠كان وقت السونار الي نعرف كم الوزن كنت احس باالالام وصابره
والاثنين قلت لزوجي لازم اروح اوريها التقرير ومراجعه لاني في التاسع وحاسه انها بتقولي ولاده المهم انتظر لانها طلعت عندها عمليه وبعدين قالو الدكتوره عندها عمليتين وولاده طبيعيه وانتظر ثلاث ساعات ونص يمكن تخيلو كيف الانتظار في مستشفى سليمان فقيه عند الدكتوره سحر واول مادخلت كان في الغرفه موعد لوحده وتخرج على طول دخلت على الدكتوره وريتها التقرير الا وتقولي الوزن كبير تعالي اكشف عليك الا تقولي انتي ولاده مفتوح ٦ ماشاء الله بس نفتح المويا وقالت للمرضه تطلعني فوق عشان يولادوني وقلت للمرضه بتصل واكلم زوجي واختي واخبرهم وزوجي جاء وارسل لااخوتي يدعون لي ويخبرون امي وقلت اروح اصلي المغرب وادعي واقرا ايات تسهيل الولاده وبعدين دخلت قسم الولاده لقيت الدكتوره تقولي وين رحتي قالو انك رحتي قلت رحت اصلي قالت هنا قلت ايوه المهم فتحت لي المويا وودوني غرفة الولاده وبدات الالام تزيد وانا ادعي لي ولكم واهلي وبنت اختي كمان كانت عندها ولاده كنت ادعي لها ودعيت ل ابوي عنده ورم اثر على عينه ادعوله يوم الاحد يبدا جلسات ليزر الله يكتب له الشفاء خيروه بين جلسات ليزر او عمليه يشيلوون له عينه واختار جلسات ليزر
المهم شكلي خرجت شوي عن الموضوع بعد مافكت الدكتوره المويا بدا يفتح الرحم ٨ ،٨ونص ،٩،٩ونص، ١٠ وطولت في الدف القابله دفي وهو لسى ماوصل ١٠ شكله كان فيه مشكله بس ماتقولي ميلتني على جنبي اليسار ودفي ودفي ورجعوني معتدله لمن صار عشره تنادي على الدكتوره والدكتوره الي تخدرني وعدلوني وحولو يستروني ودخلو علي دكتور مدري ليه دخل فجاه وخاصموه لانهم ماكملو التستير من تغطيت فخوذي وتغطيه من قدام وبعدين دخلوه فاكره القابله تقول للدكتوره صغير الله العالم اشهو هذا
تعبت وانا ادف يمكن عشان بنتي طلع وزنها كبير كانت تقولي دفي وانا لسى ماصار عشره وبعدين لمن صار عشره قالت بس دفه وحده القابله طولت وانا ادف قالت وحده وجلست فوق الساعه وانا ادف ساعه وربع او نص لين اخر شي يمكن خرج الراس وبنجوني ماادري عن بنتي شي واتذكر صحيت من البنج واحس باالدكتوره تخيط وشكل الدكتور فيه يقول طلي فوق اتذكر فيه حاجه تدوخ في السقف حولين النور واسمع صوت نونو شكلها رفيف ولمن كنت لسى في الافاقه جابو لي بنتي رفيف يورني وانا لسى مافقت زين حمدت الله انهم ماولدوني بعمليه لان الدكتور شكيت انه راح يسوي لي عمليه صح الولاده تعسرت بس كله يهون وقت ماحملت رفيف بحضني
يارب هون على كل من خلصت التاسع وماولدت وكل من دخلت التاسع يارب اكتب لهم ولاده سهله ميسره
بشروني بضناها وياحلوها من بشارة .. ملف تباشير مارس3 وابريـل4 .. 2014
متابعة النقاش، صفحة 295