والقصة إني رحت لأسواق العويس من فترة وسالت صاحب المحل عن الوان صوف كانت عندي وقال بتجي طلبية بعد فترة .
سالته طيب ليش ماتجيبون خيوط القطن قال : اي نوع كتبت له الاسم وقال ماعمر احد طلب منا ولاندري وش اللي يشتغلون عليه الناس قلت له حنا في الرياض ماعندنا خيوط قطن ..
وحنا نطلب من مصر احيانا. واحيانا اللي يروح جدة يجيب من العمودي
وصراحة ماقصر طلب طلبية صغيرة وقال بشوف اذا مشت وجاء عليها طلب نزيد الطلبية والأنواع
واليوم رحت ولقيتها وصلت
وهذه صورها
وهي 50 جرام ب6 ريال ونوع تركي ماصورته ب5 ريال ( يمكن واضح في الصورة الأولى )
بنات فرصة اننا نطلب وهو يجيب اللي نبغى
محل في العويس قدام المسجد اسمه خيط وابرة
ملاحظة فيه 2 محل اسمه خيط وابرة انا اقصد اللي قدام المسجد على ماعتقد انه زواية
وبالتوفيق للجميع
