بشرى للمتصلعات و للي يعانون من قلة الشعر في مقدمة الرأس

بعد تردد طويل في المشاركه بتجربتي قررت اخيرا اني اتجرأ ونزلها لكم في عالم حواااء متمنيه من الله انها تفيد اكبر عدد من الاخوات اللي يعانون مثل مشكلتي:21:

بدت المعاناه مع تساقط الشعر بعد زواجي وحملي الاول واصبح شعري من مضرب مثل الي شبه تصلع خصوصا في مقدمة الرأس وهالشي سبب لي معاناه نفسيه والم خصوصا اني كنت اعتز حيييل بشعري..

طبعا مثل اي وحده تبي تفتك من هالمشكله بديت بالحلول الطبيه من طبيب لي طبيب 6 سنوات من المعاناه والنتيجه صفر!!!! في احسن الاحوال كان يخف التساقط ويطلع لي وبر خفيف مجرد ما اخلي العلاج يتساقط طبعا هذا غير الالم النفسي والمعاناه من اخذ الابر في الراس والعلاج الهرموني وصرف الفلوس بالهبل ...الخ


اخر شي زرت طبيبه مشهوره وشاطره افقدتني الامل وحطمتني لانها قالت لي ان هالامر وراثي وماله حل وانه راح يتطور للاسوأ وانه ممكن في يوم من الايام يلاقون حل !! بس انا استغربت لاني الوحيده من اهلي اللي اعاني من هالمشكله وامي شعرها لا يزال حلو على الرغم من انها كبرت بالسن يعني شلون وراثي!!

لحد ما لقيت الحل صدفه وانا ماره بالسوق دعايه لامبولات على واجة صيديله قلت يا الله خل اجربها لانه ما بقا بالسوق نوع ما جربته ما عدا هذا!!

واللحين الحمد لله والشكر بعد 4 شهور من الاستخدام والصبر رجع شعري للنمو بكثره والتساقط صار طبيييييعي جدا وقليييييييييل ....وراااح التصلع رااااح وصرت طبيعيه جدااا والله اني للحين ماني مصدقه واحمد رربي في كل وقت من 6 سنوات ما شفت مثل هالنتيجه !!

الامبولات استخدمتهم لمده شهرين قبل النوم نص امبوله تقريبا ومرات امبوله ومن شهرين استخدمهم مرتين بالاسبوع على الاقل او يوم ورا يوم..بالاضافه للامبولات استخدمت فيتامين أ ومجموعه فيتامينات اسمها فوليك رون +شامبو هربل اسانسز للشعر التالف ... وبين مده ومده استخدم زيت دابر املا...بس مو مستمره عليه:11:

اي صج نسيت اسم الامبولات :21:

امبولات فيتشيvitchy


نهاية ادعولي ان الله يتم العلاج وان الحاله الاولى ما ترد

والسلام ختام