التحريض لما تكشف عليك تشوف كم فاتح الرحم وتقيس باصابعها في نفس الوقت توسع شوي والم خفيف بس اؤخي وخذي نفس

الف مبرررروك
جنان واهوي ورشيقه ونبضي ونوف
والحمدلله علي السلامة ويتربون بعزكم


اشوف اسمي مع الكروشات بعد
اللي،تعدل تحط اسمي مع النفوسات

كيفكم كروشات ونفوساتمبروك للي ولدوا والله يهونها علينا ياللي قاعدين نستنى💙💚💛💜💗❤️بنات عادي المغص والتقلصات بعد الجماع ب8 ساعات لانه نفس الطلق وحار ويشد على اسفل ومابغى استعجل اروح المستشفى يارب انها ولاده وارتاح 😢😢😢😢

هلا قطوره
الحمدلله بخير
بنوتي سميتها دانه 💓
وأختها الكبيره لانا 💓
الله يخليهم لي ويصلحهم يارب
ويخلي لك بنوتاتك ويحفظهم يارب

اكشن ولادتي
طبعا بعد محاولات إقناع من زوجي اني اروح اكشف اقتنعت يوم 13وقلت بستخير ربي اروح او لا وقررت اروح لاني مليت لي اسبوع من العاشر وماعندي وجع ابد غير الثقل أتعبني مره الحمدلله بس ماخليت شي ماشربته عسل وحليب وزعتر واناناس بس ع قول امي التسهيل من الله وحده ورحت للمستشفى الظهر وكشفت علي الدكتوره وكتبت لي تنويم وطلق صناعي وكان اهم شي عندي ارتاح وامي تقول لي ليتك سويتي تحريض قبل الطلق الصناعي لانها مجربه الطلق الصناعي امي وماتبغاني أتعذب فديتها قلت لها يمه انا استخرت وخلاص ربي بيكتب لي الخير ان شاء الله والساعة 6الصباح جات الدكتوره وحطت لي تحميله الطلق الصناعي وبدا المفعول فورا والله يابنات كل ماتذكر اني ولدت بالسلامه احمد ربي مو مصدقه لان الالم كان فضيع ومااقدر أتنفس ورى بعض حسّيت اني راح اموت خلاص وجات الدكتوره كشفت قالت 2سانتي مفتوح اصبري وتحطمت كل هالوجع ع 2سانتي وطول مايجي الوجع أتنفس بطريقة شمي ورده طفي شمعه تخفف علي شوي هالطريقه بس يوم قرب يأذن الظهر خلاص ماعاد تحملت واناديهم وتكشف وقالت4سانتي بس خلاص حاسه اني بموت من الالم وتعاونوا معي الممرضات ربي يسعدهم وين ماراحوا قالو لدكتوره خلاص ماعاد تتحمل انقليها للكشك ووافقت واللي تدعي لي واللي تصبرني واللي تساعدني بتغيير ملابسي الحمدلله ربي سخرهم لي كانوا جدا متعاونات وقلبهم علي الله يسعدهم ماغيرت ملابسي الا انفكت المويا وزاد رعبي ونقلوني ع كشك الولاده بسرعه ماوصلت هناك الا حاسه بدفع وخلاص طلعت ع السرير وانا ادفع وهم يقولون استني لاتدفعين بس غصب عني ادفع والحمدلله بس كم دفه ووسعوا لي وطلعت بنوتتي بالسلامه يارب لك الحمد وبااعلا صوت جلست احمد ربي بالكشك هههههه مو مصدقه والحمدلله عطوني مسكنات للخياطه ماحسيت الا بسحب الخيط الحمدلله
ع العموم هاذا هو الطلق الصناعي الوجع أضعاف الطبيعي بس مع هاذا هو نعمه الحمدلله عليها ويفتح الرحم بسرعه
وسبحان اللي سخر لي الممرضات والدكاترة كأنو جدا طيبين معي مع انو كثير يسبونهم وهاذا بفضل الدعاء ثم الدعاء ثم الدعاء والاستخارة يابنات مهمه بجميع امورنا ماخاب من استخار
وبس كثرت حكي سامحوني ههههههه