بشرى ولادتي + قصة ولادتي اللهم لك الحمد والمنه

السلام عليكم بنات
اللهم لك الحمد كله ولك الشكر كله ولك الفضل كله واليك يرجع الامر كله
اعذروني ما كان عندي وقت مشان اكتب قصة ولادتي
بس لحتى فضيت وارتحت شوي
ولدت بالاسبوع 38
المهم والله ولادتي كانت زي الحلم فقت الساعة 5 الصبح على وجع خفيف اسفل ظهري كانو بدي حمام اعزكم الله وكان معي اسهال طول اليوم كان مثل وجع الدورة وعرفت انها ولادة وانو وجع الطلق طبعا من تجاربكم استفدت
رحت الحمام عملت دوش سخن سبحان الله الموية السخنة بتخف الوجع كثيير ونظفت حالي منيح وانا مستعدة للولادة :2thmup::2thmup:ومبسووطة عالاخيير لاني راح ارتاح وماراح اعوشر وبقول لزوجي خلاص انتهى المشوار راح اولد :talker::talker: طبعا ما كنت بعرف شو اللي عم يستناني هههههه
المهم فضل معي الوجع لحد الليل وآه يا ليل من الوجع وجع الطلق ابتدى يحمى اكثر وصار كل 10 دقايق بالظبط وعالساعة 1.30 خلاص بدت تنزل مني افرازات ثقيلة كثير وبحس بحالي مبلولة وخفت لتكون موية الجنين وخديت ملعقتين عسل اسود
وركض عالمشفى:3_10_6: لقيت الكل نايم خخخخخخخ وايجت السستر وقاست الرحم قالت 1سنتي
وانا صرت هيك :( وقالت اذا بدك ظلي هون وانا رفضت ورحت البيت قالت لي الساعة 8 تكوني هون
ورحت البيت وخلاص ابتدا الجد وجع الطلق كل دقيقة او دقيقتين وما كنت بتصوروا هيك ما بعرف كيف اوصفه استغفرت كثير ودعيت لربي كثير ووقت الطلقة عملت تمارين التنفس وكنت برتاح شوي بس مو كثيير
وخلاص عالساعة 7.30ما قدرت اتحمل رحت المستشفى واخدت شنطتي
رحت وكشفت قالت 4.30 سنتي ويافرحتي قال خلاص ولادة ورحت غرفتي والله يا بنات ما صارخت ولا مرة الدكتور قاللي ماشاء الله عليك بس اذكر ربي واستغفر وكل شوي السستر تجي وتكشف وعالساعة 10 الصبح قالت 8 سنتي والوجع كرمالو عم يزيد وانا ما كنت بعرف شو عما اقول وزوجي مسكين ظل واقف برا بيستنى لانو ما خلوه يفوت لعندي وخلاص حسيت روحي بتطلع والدكتور بيقوللي ادفعي يا الله عم اشوف الراس وانا هون كنت اصارخ والله ما قدرت اتحمل وبيشجعني يقووللي ايوة هيك ياالله ادفعي وانا ادفع بكل طاقتي والراس بس يبان ما بيطلع وفضلت على هالحال من 10 الصبح لحد 12.30 والراس ما رضي يطلع وانا خلاص انهد حيلي ودخت وغبت عن الوعي وبس اسمع الدكتور يقول لي يالله يا بنتي مشان ابنك تحملي وانا بقولو خلاص ما فيني قوة ما فيني صبر والا شوي وهو يقيس نبضات قلب البيبي ويقوللي البيبي قلبه بيضعف لازم عملية هو بيختنق وانا صرخت باعلى صوتي لااااااا ما بدييييييي يموووووووت اموت انا ولا هو اعملو القيصري خلاص وبترجاك يا دكتور انقذ لي ابني ودغري حولوني على غرفة العمليات وبنجوني نصفي والدكاترة بس عما اشوفهم بيستعجلو بتحضير الاشياء
ويالله على الراحة لما عملت ابرة البنج وجع الطلق اختفى وحسيت براحة كبيرة وشووي تانية الا واسمع صوت حبيبي وشفتو المسكين طلع ازرق من قوة الدفع وبس شفتو نسيييييت كل شيء والله ما عاد همني شيء بالمرة
وكملو شغلهم الدكاترة وطلعوني على غرفتي وانا دايخة ما بعرف وين انا
والحمد لله جابو لي ابني الحلو وهو نايم مثل الملاك وخلاص انا نمت ما عرفت اللي حصل بعدين
والحمد لله على كل حال وجع العملية ما كان بهذاك التهويل اللي اسمعه بس بتحسي فيه لما توقفي وتتمشي وخلاص
والحمد لله انا هلا بخير وابني بحضني وجرح العملية يوم عن يوم بيتحسن
وكل شيء باجره
بس بعدين لما رجعت البيت وخرجت من المشفى بحس كاني كنت بحلم وفقت منه
وابني بس اطلع فيه من شدة فرحتي
سبحان الله الرحم عندي كان ينفتح بسرعة بس طولت بالدفع الراس ما طلع
بس الحمد لله على كل حال
وعقبال البنات الباقيين
والله يسهل عليكم ويرزقكم الولادة الميسرة