بشنو تتعطرون بعد الولاده مباشره؟

الحمل والإنجاب

حسب علمي العطور بتكون ثقيله عالبيبي اول ولادته
فما بقدر اتعطر بعطور اول ما اولد

و بنفس الوقت مو معقوله الناس تجيني المستشفى ماتكون ريحتي معطره
ابي اعرف شنو ممكن استعمل كبديل عن العطر

قلت مسك زوجي قالي المسك يعتبر عطر و بعد مايقدر عليه البيبي

انتو بشنو تعطرتو؟
20
2K

يلزم عليك تسجيل الدخول أولًا لكتابة تعليق.

تسجيل دخول

ام حنونه
ام حنونه
هلا مراوى الله يهونها عليك حبيبتى ......

البديل هى الكريمات المعطره كويسه ......... واشوف السوق مليان من ها الكريمات لحظه بجيب لك اسم كريمى ........

ايه كريم فيكتوريا سيكرت حلو وبارد وهو لليدوالجسم
marawi81
marawi81
فكتوريا سيكريت كنت استخدمه قبل الحمل و من حملت كرهت ريحته و للحين ماحبها

ينفع استخدم بودره الاطفال ولا ممكن يسبب ربو لا سمح الله للبيبي

و شلون عن المسك هل هو فعلا مو زين حق البيبي؟
اشجان_1406
اشجان_1406
انا امي لما جهزت ملابس الولاده حطت معهم المسك اللي
يجي حجر(مكعبات) وسكرت عليهم الشنطه، ولا احتاجت تتعطر بالنفاس
لان العطر مو زين مع الخياط يلتهب ..

واخوي بالاربعين كانت امي تعطره بمسك خفيف، ولا اثر عليه ولا شي
marawi81
marawi81
مشكوره اشجان انا هذا اللي افكر فيه اني احط شي بوسط الثياب عشان تعلق الريحه

باقي البنات مالهم رايي ولا ماتعطرو بولادتهم ؟؟؟
أم هـــديل
أم هـــديل
هلا بج مراوي وموضوعك حلو
انا عن نفسي لاكل شار علي بالمسك من جذي شريت لي مسك واكو مسك مخفف تقدري تستخدميه اذا انتي خايفه مع العلم اني سألت دكتورتي عن المسك لان اجوف كل الي اعرفهم يعطرون حتى البيبي بلمسك قالت لي عادي بس يكون مخفف مو ثقيل ... انا شريت لي مسك وللبيبي مسك مخفف يدوب ينشم مع ان بتكون البودره والكريم طاغيه على ريحة البيبي بس معالوقت بستخدم له المسك