الله الالوان الي منقينها حلوه ..

انا ادرس بالجامعه المفتوحه ..

بالنسبه للتعتيق مادري انا لحد الحين افكر يعني انا اذكر مره شفت بايس بشويخ ادوات التعتيق تصير على رول وبس تقطين الرول بالصبغ وعقبها تمشين على الطوفه مثل الرول العادي بس يكون فيه حركه واهو يتعتق من نفسه يعني يصلح لنا احنا المبتداين .. بس انا ما فكرت بالموضوع بشكل جدي ليلحين لاني احاتي امتحاناتي وتبدي عقب العيد وملوعين جبدي فمالي خلق شي كلش ملش ..

وبس اخلص انشاء الله راح اتفرغ لاشياء وااااااااايد معلقتها ليما اعطل ..

والغرفه الي بصبغها هذي غرفة المكتب مالتي او غرفة الحوسه انا مسميتها يعني ادرس فيها والكمبيوتر فيها واغراض ولدي فيها يعني بتاعت كلو ...فابي اقعد افكر لها واخطط بحيث ارتبها وتشيل كل عفيستي فاذا عطلت بتكتك لها عدل ولما اقرر شبسوي ذيك الساعه احدد الصبغ الي ابيه عادي ولا تعتيق ولا شنو بالظبط ..والله يعين انشاء الله ..

أنا بصبغ داري وبقط أشكثر أشيااااااااااااااء برتبها أشوه خلصت أمتحاناتي
وبشتري من الرول اللي يسوي تعتيق بروحه لأن الطوفتين المتجابلين اللي ضايعه مساحتهم بصبغهم بنفسجي فاتح وبعتقهم بهالروله بدرجه أغمج شويه
وبسوي رسم بارز بالأستنسل عجبني يصير يفصل الطوفه النص اللي تحت بعتقه بالروله واللي فوق بوزع عليه عالخفيف ورود وفراشات هم بارزين يطلع حلو وبناتي
بس أحترت بنوع الصبغ والأثاث مادري شسوي فيه أصبغه بنفسجي فاتح وأعتقه بيطلع حلو بس قالولي بتملين من اللون جذي
لأن كل أثاثي أبيض ما عدا السرير بني محروق فقلت أخلي باجي الأثاث نفس لون الطوف والسرير كيفه بلون بروحه عادي

شوفي البني المحروق تصلح عليه جميييييع الالوان انا بعد اثاث غرفة نومي بني محروق وحلو مع الوردي وكنت مجربته على المشمشي هم حلو وحلو مع الفستقي والبنفسجي الفاتح والسماوي والليموني وووووو فكري فيها حلو مع كل الالوان ..

بس الاثاث الابيض هم حلو مع جميع الالوان انصحج ماتغيرين لونه عشان ما تصير دارج بنفسجي ببنفسجي حلو اللون الي اخترتيه مع الابيض فليش تغيرينه ..

اذا بتغيرين غيري بترتيب الدار بمكان الفراش والكبت والاثاث غيري اماكنهم بعد اذا حطيتي برده يديده وتحفيات ناعمه ونافوره صغيره ( موجوده بلاندمارك ايننووووووووووون النوافير عندهم ) وصغار في الي حق تعطير الغرف وتطلع دخان وفي العاديه حلوه وتسوي جو بالدار ...

انا ناويه على داري نيه بس خنعطل واشد الهمه انشاء الله ..

بس تعالي الحين غرفتج كلها بيضه شياب الفراش بني بينهم ؟؟؟؟ انا احبيكون الاثاث كله نفس اللون احسن واذرب ولا شرايج ..

السرير ماكان بالدار كان عندي بو نفر واحد بعدين يبت هذا من سنتين
بس الحين أهلي قلبوا علي ما يبوني أصبغ الدار يبون أييبونلي صباغ عقب أسبوعين جذي
يمكن أدق عالصباغ اللي عطيتيني رقمه وحسيتي أنه زين أشوف شغله

يالله فراوله مو مشكله المهم تنصبغ الدار وتطلع بلوك يديد ..

عاد تخيلي الحره الثانيه .. مو طق علينا مطر قبل امس .. خرت داري الي ما خرت منقبل وهي مو مصبوغه .. يوم صبغتها خرت علي لا وسوتلي تفاخيه عوووووووووده من الماي خايفه ابطها يطلع الماي ويتلف الدار مخليتها ديكور خخخخخخخخخ ...عاد امي تققول شهالتفاخيه صاير شفتي ورق الجدران اذا تبطط جنه فيه تفاخيه صاير جذي الماي صاير بين طبقة الصبغ والطوفه مدري شلون صايره جذي خخخخخخخ جنها ورق جدران صج ..

بالنسبه للصباغ جربي دقي عليه وشوفي كتلوجاته يمكن يعجبج ...

اختي النويره ما عندي فكره يمكن فراوله تساعدج ..

وتسلمون ..