بصرااحة تااامة000 ورجاء شاركوني بالردود

السلام عليكم
راح أدخل في الموضوع على طول واللي ردها جارح لاترد أحسن


اللي لاحظته أنو أي حرمة رايحة تخطب أو أي خطااابة تدور عروسة الشروط الأساسية للبنت اللي يبغوها انها تكون بيضاء- نحيفة -لو كانت قمحية لازم تكون حلوووة واللي يرضى بالعادية حاط شرط انها تكون موظفة - شعرها ناعم والأغرب انك تطالعي في مواصفات الرجال تلاقي أغلبهم مطلق -أرمل - مستواة المادي مو تمام -كبير في السن -
متزوج- قمحي- يبغى يتزوج في السر
ليش يا أخوات البنات القمحيات والسمر مافيه أحد طالبهم إلا اذا كانت موظفة >>>أخذها عشان الراتب
البنات البدينات أو المليانات واللي شعورهم مجعدة أو خشنة كمان مالهم حق
ليش الزواج غالبا صاير أساسة شكل العروسة كيف يكون ومو مهم شكل العريس ليش تفكيرنا صاير كذا الشكل أولا واذا انتفت المواصفات الشكلية نظروا للمادة00 أنا عارفة اسلوبي ركيك بس دوبي فكرت بذا الكلام و أنا عارفة ان كل شيء قسمة ونصيب بس حبيت أفضفض شوي وأبغاكم تشاركوني بأرائكم
وأنا ماكتبت هذا الموضوع إلا لأني مريت بموقف صعب من شهرين وهو ان وحده سمعت عني وعجبتها سمعتي وقالوا لها عن مواصفاتي مليانة شوي وقمحية واتفاجأت انها لما كلمت امي قالت لها يقولوا عندك بنات حلوات وبيض ونحاف أبغى وحده منهم وأمي ردتها على طول وقالت لها طلبك موعندنا وجلست كلام الحرمه زي الجرح في قلبي والحمدلله على كل حال


وشكرااا