مشكورة عيني
بصراحة
خوفتيني
وضحكتيني
وحمستيني
الحمد لله أموري طيبة جدا
نونه،7
•
الصفحة الأخيرة
بصراحة الوحدة فينا اذا راحت الشغالة صارت كأنها مداومة 24 ساعة
على بلاهم مانقدر نستغني عنهم
والله اني في هالفترة بدون شغالة ... اجي من المدرسة معد ادري ايش اسوي
ارتاح شوي من الوقفة
ولى ابدأ ارتب حوسة الاولاد >>> وابوهم من بعد خروجي من البيت
ولى اسوي غدا
يعني لما تكون الوحدة تكرف في المدرسة ..ز بدل ماتجي تلين عظامها في البيت .. لا .. تجري على الحمام تنظفه >>> ترا الي تقول نظفيه بالليل اقولها ياعمري الحمام دام الكل يدخله لازم كل شوي يتنظف
ولى مواعين الفطور .. او مفرش السرير ... او القط ملابس المحروس المنشورة ... شي على الارض وشي على السرير
لا وكله كوم ..واني اصلا اكون صاحية من الفجرية >>د وفوقها تعالي يامكينة الكرف كملي الدوام في البيت ... الى الليل
كيف اذاكر للاولاد .. كيف ابدع في الطبخ >>> يحمدو ربهم على الكبسة .. بلا برياني بلا زربيان !!
معليش يمكن كلامي يحبط .. بس هذا الوضع الي انا عايشاه
لاتتوقعي حياة مثالية وانك حتقدري تضبطي البيت
صدقيني انت مديرة .. ضبط المدرسة اهون من ضبط بيت وبزورة وطلبات ماتخلص
المدرسة 8 ساعات
البيت ... مع العفو .. انت فيه شغالة بدون راتب
انا زوجي الحمدلله يساعدني ومايقصر
لاتحسبي اني مرة شايلة كل شي لوحدي
بس هل الرجال حيغسل الحمام .. ولى حتى انت حيجيلك وجه تخليه ؟
هل حيكوي ملابس
حتى لو اخذ ملابسه للمغسلة .. ملابسك .. ملابس الاولاد
بقع الموكيت .. الغبرة الي تحت الكنب
المراوح .. بقع الطفال على باب الثلاجة .. ولى الدواليب الي مايسيبوها في حالها
معليش
بس الشغلانة لو على طبخ وتمسيح مشي حالك .. وصحنين دلكيهم >>> كان ياسلام
اقولك ... شكلي غثيتك
بس لاتنصدمي من الي حتشوفيه ... وامسكي يدك عن اولادك مقدما خخخخ
ان شاءالله انها اسبوعين بس ماتطول .. عشان ماتلاحظي شي
وطبقي نصيحة الاخت الي قالت خلي الشغالة تنظفلك تنظيف عميق
بس بالنسبة للبصل >>>> انتبهي تري يتأكسد ويصير سام ... وابحثي بنفسك
قطعيه ... وقلبيه بشوي زيت بعدين لفي كل ملعقتين بنايلون وفي علبة بالفريزر ... اما ني فلا .. انتبهي
خلي عندك بخاخ كلوركس مركز مع موية ... يكون على المغسلة .. كل بقعة في المطبخ او حتى السيراميك تمسحيه وتعقميه على طول ..غير كذة تمسحيبه رخام المطبخ لما تشطبيه في الليل
وترشي فتحات المغسلة >>> وتحتها كمانا
استعملي نفس البخاخ لمغاسل الحمام ولنفس الكرسي يوميا عشان ماتضطري تفركيه ... وفتحة التصريف
مطبخك خليه مقفل على طول ... وقت الشغل ادخلي انت بس
اولادك اشغليهم بأي شي بالصالة
بس ها .. روحي وتعالي عليهم ... تري لو هجدو فجأة وفقدتي صوتهم اعرفي انو وراهم خراب >>> الحقي ماكياجك خخخ
انا اقفل الحمام ... وغرفتي طول الوقت مقفولة
غرفتهم لايدخلوها الا وقت النوم ... اقصد عشان تبقى مرتبة كفاية الصالة
يعني حددي مكان الجلسة ... بيتك كبير وحيتعبك لو ماحددتي مكان جلستهم
اهم حاجة تستفيدي منها في هالفترة هي بنتك
لاتاخذيها انو اثبات لمقدرتك وبس ... لا علمي بنتك كيف تكون ست بيت
لما كنت في سادس كنت اسوي البيتزا زالكيك واحاول اسوي الز الابيض >>> بدت الارانب هع هع
لا والله من جد
علميها عسى ربي يحفظها لكي
بس خذيها بالهون لاتشدي عليها وتحرم تتقبل شي
اقولك >>> انا اعطي الميكروفون لغيري كثر هرجي