* انا والله من رائي هذا مرض الي تحسب انها بتصير شيء اذا شرت الغالي وهي حالتها الماديه وسط او اقل

يعني وش فيها اذا شريتي شنطه بـ100 بس اصحاب العقول باستراحه هع

الله عافنا ولا بلانا

والله الاسعار شي نسبي ناس عندهم شنطة بمية راح تخل بميزانيتهم عشان كذا يشوفونها غالية وناس العشر الاف ماتاثر بميزانيتهم فعادي يشترون ومايشوفونها غالية
الله وزع الارزاق بين الناس ولينفق كل انسان من سعته اللي ربي اعطاه فماله داعي تلومون الناس بالله يعني اللي مصروفها مثلا 5000 ليه ماتشتري فيها خليها تستمتع بحلالها وان شالله ماهي مقصرة تتصدق وتزكي وش درانا حنا بالنوايا يمكن اللي تشتري شنطة بعشر الاف هي نفسها تتبرع بعشرين الف للجمعيات الخيرية
وممكن اللي تشتري شنطة بمية وتسوي نفسها محاربة الغلاء والاسراف -ممكن تستخسر نص ريال للفقير
اما عاد اللي ماعندهم ويشترون هذولي يبيلهم علاج مكثف

حبيبتي كل واحد حسب محيطه والأماكن الي بيروحها يعني انا لما بشوف قريبتي حاملة شنطة ب35000 ريال أحسها اسراف بس بالنسبة لها عادي فكل واحد وامكانياته بس طبعا حلو التوسط وان الشخص يعيش بالمعقول لا افراط ولا تفريط

بصراحة ماني عارفة الحريم كيف يفكرون ؟ أنا أحس اهم شيء في الدنيا الذوق مو ضروري السعر وكمان مو ضروري انتقد الي يشتروغالي لان الانسان لابد ان يؤمن بأن كل انسان ينفق على قدر دخله وينفق كل ذي سعة من سعته والله أعلم,,,,,,,,,,,,,,,,,,,,,,,

انا مره جلست افكر في هذا الموضوع واني جالسة استخسر شنطة ب 800 او الف مع انها حتنكرف كرف وحتتحلل فلوسها

وفي نفس الوقت جالسة اشتري فساتين سهرة بالالاف وينلبس مرتين او ثلاث بالكثير وينرمي خلاص الناس شافوه


عرفت انه حسبتي غلط وغيرت نظرتي في اشياء كثير ....