السلام عليكم أخواتي المعلمات انا عندي مشكلة مع وحدة من زميلاتي أنا وهي ندرس الصف الثالث هي صفين وأنا صفين ..

ومعظم الأفكار إذا مو كلها أفكاري من تهيئة وطريقة شرح مسابقات وغيرها وكل هذا وأنا ساكته ..

بس مرة حبيت أعمل مجلة لطالباتي فيها أسئلة وألعاب ومسابقات وغيرها غيرها ..

كانت الفكرة حلوة وعجبت لكل وكتبت عيها اسمي

يعني :إعداد :----------(اسمي)

هي لما شافة اسمي مكتوب زعلت وما رضت تاخذها لطالباتها ..

ولما شافت مدرسة من رابع طلبت مني المجلة وأستأذنت مني انها توزعها على طالباتها غيرت رايها وعطتها لطالباتها ..


والله أنا بصراحة أحب أني أتميز بشغلي وماأحب ان حد ياخذ شغلي على الجاهز وينسبه لنفسه ..

تاخذ اللي تاخذه مني بس ماتشيل اسمي ولاتحط اسمها على شي مااشتركت فيه ..صح لا لا ؟

بعدين احنا كُلفنا بوضع منهج أنا وهي ..

الله يشهد علي أني جايبه أكثر من ثلاث أرباع المنهج وهي ماجابت إلا عشر صفحات تقريبا من 80 صفحة غير ان الطباعة والصور التنسيق كلها كانت علي ..

بس كتبت اسمها عليه لأن هذا منهج ولأنها اشتركت و لو بالقليل ..!!

مدري شسوي والله محتاااااااااارة ..

هي البنت طيبة وملتزمة ماشاء الله بس ..

أنا مابي أخسرها لاأبي تصير بينا حساسية بس شسوي دايما تاخذ شغلي على الجاهز يحضرن لها االموجهات ويمدحونها ومايدرون انه كله شغلي ..

ساعات أحس اني أنانية بس ماأعتقد ان فيه انسان مايحب يتميز ..

اليوم اتصلت عليها قلت لها يافلانة أنا سويت أوراق مراجعة لطالباتي تبين أصور لطالباتج ..بس ترى أنا حطيت اسمي ..قالت لا مشكورة بعدين ردت :قالت :شرايك نسوي مع بعض ولأول مرة أتجرأ أقول لها :لا..

لأن شغلها مايعجبني طباعتها مش مرتبة وأنا أبي الأمهات يشفون شغل مرتب ..

خاصة مرة اسمع امهات طالباتها يمدحونها على شغل أنا مسويته ..

وألحين احس نفسي متضاااااايقة

قولوا لي عنكم وعن تجاربكم ..