بصراحه ابي رايكم

السلام عليكم
بدخل بالموضوع على طول
السالفه ومافيها انه أمي عزمت زوجي يتقهوى معها بعد المغرب وزوجي راح وجاب جاتوخ
العصر ارسلت امي رساله قبل المغرب بنص ساعه قالت اعتذريلي من فلان وقوليله مقدر اقابلك نأجلها يوم ثاني دقيت على امي استفسر وش السبب قالتلي انه متهاوشه مع ابوي وصارت سالفه طويله عريضه بسبب اعتذر عن ذكره وانها مرره ضايق خلقها وماحبت تستقبل زوجي وهي متهاوشه مع ابوي 
رحت قلت الزوجي السالفه ان امي وابوي متهاوشين قلتله لانه شره وزعل ليش امي ترده علمته الصدق عشان يعذرها وفعلا عذرها
بس حسيته ماش متنرفز يبي اسوي اي شي عشان يعصب ويطلع حرته فيني
المهم هو امس كان موصيني اجيب له من الصيدليه  حبوب للمعده
لاني كنت بالسوق وفيها صيدليه وقالي تكفين جيبيلي حبوبي
وللاسف نسيت اجيبها
وسواها سالفه وعصب علي وهاوشني ليش انسى قلت غصبن عني نسيت وبعدين مايسوى نتهاوش بسبب شي بايخ وانت ليش تدور المشاكل وانا عكسك دايم احاول اتقرب منك بالهدايا ومااطلبً منك مصروف عشان ماضايقك كله تجنب للمشاكل بينما انت تعصب بسبب اني نسيت حبوب
قال هو تمني علي في هداياك ويروح الغرفه ويجدع بوجهي عطر امس جبته له هديه من السوق وقالي لاعاد تجيبين شي مابي منك شي يالمنانانه
قلتله انا مامنيت عليك انا قلت انه احاول اسعدك واهديك ومااضغط عليك بالمصروف عشان اتجنب المشاكل معاك بينما انت العكس تدور علي زله بسيطه مثل الحبوب عشان تهاوشني وتعصب علي وماهي سالفة الحبوب اول مره كذا مره تصير يهزئني بسبب اشياء تافهه واسكت مااقول شي
قلت واذا عشانً امي اعتذرت يافلان وحركتها قهرتك لاتحط حرتك فيني انا مالي دخل عاد عصب وقال ايه اهلك مايستحووون وتووووبه ازورهم الحين يواعدوني المغرب وعشان الشايب والعجوز تهاوشو يعتذرون لعبه عندهم انا قلت يافلان انا مالي دخل وانااعتذرلك نيابه عن امي بس فعلا امي متهاوشه ورايحه بيت جدتي والهوشه كبيره والمشكله زوجي مرره زعلان ويقول مايسوى يعتذرون يستقبلوني بسبب هوشه 
وش الحل معه تعبت من حركاته متنرفز علي وبس يهاوشني وجدع العطر بوجهي وقالي لاعمرك تهديني شي كل ماشريتي شي لي قلتي انا شريته 
والمشكله ورب الكعبه ماعمري قلت انا شريت ومنيت عليه ابد ابد بس هو من الزعل فهم كلامي بالغلط او وده يفهمه غلط عشان يطلع حرته فيني 
قهرني الله يهديه الحين ضايق خلقي بسبب امي وابوي متهاوشين وجاء هو كملها علي وضيق صدري بدال مايواسيني
طبعا الحين تصرفاتي معاه عاديه لا زعلانه ولا راضيه من بعيد البعيد
واخر شي حابه اسألكم له حق يزعل ولالا وهل اراضيه ولا اتركه يرضى الحاله