الحمدلله انا من يومي بنت وانا اللي ارتب غرفتي ونظيفة والحمدلله تعودت على هالشي... حاولي تعودين نفسج انح تسوين بعض الاشياء يوميا على الاقل يعني ترتيب السرير وترتيب الاغراض لين يصير شي يومي ماتشتغنين عنه وبعدين زيدي تنظيف المرايات والتكنيس

هلا ام ياسمينا..من ناحيه النظافه انا وسواسيه نظافه ..لكن فوضويه لانه ماعندي وقت ...وحتى لو عندي يكون آخر شئ غرفتي :(

امي معوودتنااا اناا واخوواني من كناا صغار على النظاافه..
والحمدلله..
الله يطوول بعمرهاااا ولا يحرمني منهااا يــــــــاااااااااااااااارب...

وامي بعد ما قصرت ...لكن انا راسي يابس؟؟والله امي يشيب راسها مني لكن الله يعين ... بعدين وراكم ماسكين علي نظافه ونظافه ...انا قلت فوضويه مو وسخه !!!


فيه فرق...من ناحيه النظافه ...انا نظيفه درجه اولى والحمدلله لكن الفوضى سببها ضيق الوقت ولان غرفتي آآآخر مكان ممكن اهتم فيه ..لاني حتى نوم ما انام فيها



عموما..عندي لكم مفاجأه ...رتبت غرفتي خخخخخخخخخخخخخخخخخ

مشكورين على التشجيع ..

أنا أكثر وحدة فاهمتنج الغرفة المرتبه واللي ما تعتفس هي اللي ما فيها أغراض وايد صدقيني الفرق بين غرفنا العادية وغرف الفنادق واحد وهو انها خاليه مافيها شي ومتى تعتفس؟؟؟ أول ما تسكنينها وتزحمينها بأغراضج الكثيرة
إذن عشان ترتبين أول لازم تتخلصين من الأشياء اللي ما تحتاجينها وكوني حاسمة اللي ما تعيشين بدونه خليه واللي ممكن تعيشين بدونه عقيه على طول وبدون تفكير .....
استخدمي الخزانات لتخزين الأغراض الضرورية وأعيدي كل غرض لمكانه بعد استخدامه ....
حطي هدف جدامج انج تبين غرفة مريحة عملية تقدرين تمارسين فيها حياتج اليومية....
حاولي انج تشجعين نفسج من وقت لآخر على التنظيم ....